Neste sentido, dentro das áreas da nosa competencia aprobamos uns orzamentos que marcan un punto de inflexión na política orzamentaria do noso concello nas últimas lexislaturas e que contemplan investimentos con fondos propios de preto de 1.000.000€, aos que se suman 605.000€ da anualidade 2008 dos Plans plurianuais da Deputación de Pontevedra. Tamén dende a Concellaría de Facenda eliminamos as taxas de protección civil, algo que pasou totalmente despercibido, pero evitará que os veciños e veciñas que requiran este servizo non teñan que pagar un só euro.

De seguido podedes escoitar as declaracións feitas pola Tenente de Alcalde, Raquel López Doce, sobre o conflito abertos cos alcaldes de barrio

Dende o BNG da Estrada censuramos a actitude obstrucionista do PP da Estrada e da Deputación de Pontevedra para profesionalizar a Fundación de Exposicións e Congresos, que quere levar adiante a Consellaría de Innovación e Industria, o que está prexudicando gravemente os intereses do pobo da Estrada en xeral e do sector do móbel en particular.

Temos que recordar, unha vez máis, que o Partido Popular ten a maioría do padroado da Fundación, cuxas decisión están a levar a esta a un caleixón sen saída, que pode ter graves consencuencias para o sector e para A Estrada, de seguir estas manobras de desgaste político utilizadas polo PP contra o BNG na Xunta de Galiza.

A tenente de alcalde e concelleira do Medio Rural, asegurou hoxe que, aínda que con 30 anos de demora, a democracia participativa vai chegar a todo o rural estradense, coa posta en marcha dos consellos parroquiais. Desde a tenencia de alcaldía sublíñase que, coa entrada do nacionalismo no goberno local, a vella aspiración veciñal de democratización, transparencia e participación das parroquias no goberno local vai quedar garantida, sen que caiba ningún paso ao vello modelo, coa constitución dos consellos parroquiais que está pondo en marcha o departamento municipal de participación cidadá, dirixido polo concelleiro delegado Xoán Carlos Castro.

O Grupo Municipal do BNG rexistrou onte venres unha moción onde solicita da Deputación de Pontevedra a mellora da capa de rodadura da PO-2008 entre Portela (Cuntis) e o Souto de Vea, e o remate das obras de mellora e ampliación das estradas da PO-7007 entre as parroquias de Couso e Barcala, e da PO-7019 entre Baloira e Santo André de Vea, que atravesa a parroquia de San Xiao de Vea.

Estrada Baloira-Santo André de Vea

A raíz do publicado hoxe nos medios de comunicación locais sobre a controversia entre o Reale C.D. Estradense e a Concellaría de Deportes, temos que facer as seguintes precisións:

1. A Concellaría de Deportes sempre estivo, e está, disposta a escoitar e reunirse cos representantes do clube de cara a conseguir os avais suficientes para que o ascenso á División de Prata de fútbol sala sexa unha realidade.

2. A achega económica da Concellaría de Deportes a este clube e a calquera outro basearase exclusivamente ao estipulado nas bases de subvencións, aprobadas no pleno da corporación municipal.

Raquel López Doce, Concelleira de Turismo, ven de anunciar a creación dun Premio Internacional de Fotografía da Rapa das Bestas dotado con un único premio de 6.000 euros.

Este premio, no que colabora a Dirección Xeral de Turismo, quere servir de impulso para unha festa catalogada como Festa de Interese Turístico Internacional, e no que se dan cita prestixiosos fotógrafos de todo o mundo. Ademais estas fotos servirán para ter un fondo fotográfico e engadilo posteriormente ao Centro de Interpretación da Rapa.

O vindeiro sábado 31, ás 20 horas, na Aula Multimedia da Biblioteca Municipal, Galiza Nova organiza un acto baixo o título “Software Libre na nosa lingua” e no que contarán coa intervención de Suso Baleato, Coordinador de Mancomún, Centro de Referencia e Servizos de Software Libre de Galiza, un proxecto impulsado pola Consellaría de Innovación e Industria.

Neste acto Suso Baleato explicará en que consiste o Software libre, así como as súas vantaxes a respecto do software privativo, en especial no que atinxe ás lingua minorizadas como a nosa.

Hoxe ven de presentarse Galiza Nova da Estrada nunha rolda de prensa que estivo arroupada por Iria Aboi, Secretaria Xeral de Galiza Nova, e por Pablo Santomé, Responsábel Comarcal

O Responsábel Local é Manuel Reices, un mozo moi coñecido no tecido asociativo e cultural e impulsará, xunto cunha decena de mozos e mozas, a organización xuvenil do BNG impulsando políticas e actos para a nosa mocidade, un campo no que aínda queda moito por facer.

Desde o primeiro día que se asinou o pacto co PSOE, Isabel Ruíz Ferro, Concelleira de Facenda, púxose a traballar nos orzamentos do Concello. Aínda que recoñecemos que os orzamentos chegan cun certo retraso, ben é certo que o BNG púxose cos orzamentos a primeiros do mes de novembro sen que até o momento se fixera nada para telos listos a finais do no 2007 ou principios de 2008.

Os primeiros orzamentos do BNG quedaron aprobados no pleno ordinario do mes de maio, cun importe de 11.600.400 euros un 8,10% superiores aos de 2007. O capítulo de investimentos ascende a 2.400.000 euros, dos cales 997.000 euros correspóndense a fondos propios do Concello, que un índice que mide a capacidade de aforro. Entre os investimentos previstos atópanse as beirarrúas de Guimarei, o proxecto das beirarrúas de Ouzande, a mellora do saneamento da Avenida de Santiago, a pavimentación de viais de acceso a núcleos de A Somoza, Olives, Santeles, Cereixo e Moreira; tamén se inclúen nestes orzamentos a Traída do Umia.

No que se refire aos ingresos, hai un aumento notábel nos capítulos de impostos indirectos (320%) e dos ingresos patrimoniais (190,4%), e por primeira vez elimináronse desta partida as tasas de protección civil, que quedarán exentas de pago.

No que se refire aos gastos correntes soben un 17,27%, debido entre outras cuestións á Escola Obradoiro (251.000 €), que se poñerá en marcha este ano e aos servizos que se prestan en servizos sociais (120.000 €).