|
|
Calificación usuario/a: / 0
|
|
|
|
Martes 22 de Xaneiro de 2008 - 18:13
O BNG ven de presentar unha moción na que solicita unha prestación eficaz do servizo postal universal no Concello da Estradal en condicións de igualdade e non discriminación polo lugar de residencia, revocando, asemade, calquera medida que poida menoscabar o dereito cidadán á inviolabilidade da comunicación postal
En Galiza o servizo postal é un dos grandes medios de cohesión socioecómica, sobre todo neste medio rural espallado xeográfica e poboacionalmente e, por engadido, un dos garantes da información e a comunicación, e tamén da xestión económica a través do xiro postal; unhas positivas virtualidades que agora se están a poñer en grave risco. Powered by AkoComment 1.0 beta 2! |
|
Ler máis...
|
|
|
Calificación usuario/a: / 0
|
|
|
|
Mércores 10 de Outubro de 2007 - 10:19
O Consello Local do BNG da Estrada reunido onte á noite acordou que as responsabilidades das distintas delegacións, froito do acordo de co-goberno acadado co PSOE, sexan as seguintes:
- Raquel López Doce: Medio Rural e Turismo.
- Xan Carlos Castro Blanco: Deportes e Participación Cidadán.
- Maribel Ruíz Ferro: Facenda.
O Consello Local tamén decidiu que a persoa que acompañe a Raquel López Doce na Xunta de Goberno Local sexa Maribel Ruíz Ferro por entender que a presenza desta última neste órgano é imprescindíbel por ostentar unha delegación tan importante como a de Facenda, que terá que dar o visto bo a pagos aprobados na Xunta de Goberno Local e controlar así o gasto de cada unha das delegacións.
Por outra parte, o BNG proporá que as Comisións de Facenda e Turismo, e a Comisión de Medio Rural, Deportes e Participación Cidadán, estean presididas por Maribel Ruíz Ferro e Xan Carlos Castro Blanco, respectivamente. Powered by AkoComment 1.0 beta 2! |
|
Calificación usuario/a: / 2
|
|
|
|
Luns 08 de Outubro de 2007 - 18:43
Raquel López Doce, Maribel Ruíz Ferro e Xan Carlos Castro Blanco, asinaron hoxe pola tarde o pacto de co-goberno, que logo dunhas intensas negociacións foi ratificado por unanimidade pola Asemblea Local do BNG. En declaracións aos medios, Raquel López, que será a futura Primeira Tenente de Alcalde, subliñou que a sinatura deste acordo supón unha estabilidade e un reforzo en canto a ilusión e traballo, que sacará ao noso Concello do letargo no que quedou sumiudo, logo dos tres mandatos do Partido Popular.
Como xa anunciamos o último día, o pacto asinado compromete ás dúas forzas políticas a aprobar en 12 meses o actual PXOM facéndolle as correccións marcadas na orde de 5 de maio de 2006 da Consellaría de Ordenación do Territorio. Evidentemente, o actual PXOM non é o que lle gustaría ao BNG, mais o noso Concello non pode seguir paralisado indefinidamente, -lembremos que practicamente levamos cinco anos coas licenzas paralisadas-, e un nova redacción significaría outros tantos anos de parálise, algo que A Estrada non se pode permitir, logo de que o PP se pasara 15 anos aprobando e botando abaixo PXOM's.
Descarga o Acordo de Co-Goberno PSOE-BNG para gobernar A Estrada nos vindeiros catro anos Powered by AkoComment 1.0 beta 2! |
|
|
Calificación usuario/a: / 7
|
|
|
|
Sábado 06 de Outubro de 2007 - 21:44
O BNG da Estrada reunido hoxe sábado en asemblea aprobou por unanimidade entrar a formar parte do goberno municipal do noso Concello, logo das negociacións que mantiveron o BNG e o PSOE para acadar un goberno forte é estábel para os vindeiros catro anos.
Froito deste acordo o BNG tería a Primeira Tenencia de Alcaldía, así como as delegacións de Facenda, Medio Rural, Turismo e Participación Cidadá, a presidencia de dúas das nove comisións, e dous representantes na Xunta Local de Goberno.
Alén disto, no acordo ratificado hoxe en Asemblea, márcanse as directrices que ten que seguir o goberno municipal para a aprobación definitiva do PXOM, cousa que se compromete a facer en 12 meses, e cuxos detalles se darán a coñecer na vindeira semana, logo da sinatura pública deste acordo. |
Ánimo Raquel
Escrito por Visitante en 2007-10-08 00:59:05
@s moit@s estradenses que votamos polo BNG en maio cremos que a estrada cometera unha inxustiza co BNG. E tamén con Raquel, unha persoa traballadora e rigorosa, contra a quen se iniciou unha campaña inxuriosa de demonización, acoso e derribo. Agora, xunto con Xoán Carlos e Maribel, van ter a oportunidade de demostrar a súa valía. E se non, por que o psoe petou á porta do bng á desesperada? Por que o que antes dicía que era "moito pedir" agora recoñece que era o que se establecía no pacto galego?
Mil parabéns pola coraxe, a constancia e a coherencia do BNG. | Parabens...
Escrito por Visitante en 2007-10-07 04:10:06
Noraboa a todos polo logro conseguido. De ser imposible..., a dificil... a finalmente realizable..., houbo un longo e duro percorrido que moitos de nos estabamos a esperar...
Agora queda un tan longo e duro camiño por acertar nas decisións que se tomen.
Parabens a todos outra vez. |
Powered by AkoComment 1.0 beta 2! |
|
|
  1 2 3 4 5 6 7 8 9 10 11  
|
|
|
| Acordo PSOE-BNG |
 |
|
Descarga o Acordo do Co-Goberno PSOE-BNG
|
|
| Vídeos |
Visualiza os vídeos da campaña electoral
|
|
| Novo Estatuto |
|
As últimas noticias no teu escritorio  |
|
