A Concellaría de Medio Rural e Turismo realizará a partires do próximo mes unha serie de obras e melloras en viais e canalizacións no rural do noso Concello. O custe destas obras, financiadas con fondos propios, ascenden a un total de 236.635 euros, e enmárcanse dentro do planeamento que se ten marcado esta concelleraría para mellorar as infraestruturas do noso rural, que é máxima prioridade da concellaría que dirixe a nacionalsita Raquel López Doce.

Detalle das actuacións que inclúe cada proxecto:

Ao longo da Feira sustentable (sábado e domingo) e no marco das xornadas técnicas "Xestión sustentable contra os incendios forestais" que se realizarán o sábado de 19:00 a 21:00 no local social de Caixanova, poderá visitarse na Praza de Abastos a mostra divulgativa sobre a "Multifuncionalidade no monte" composta por 15 paneis visuais (con esquemas, gráficos, fotos, etc.) que recollen diferentes bloques temáticos nos que se exemplifica o aproveitamento multifuncional do monte que se facía tradicionalmente con formulacións que permiten recuperalos de novo na actualidade co obxectivo de acadar unha valorización do monte de xeito que sexa a través de diferentes aproveitamentos complementarios se acade unha xestión en equilibrio como eficaz política contra os incendios forestais. Componse de 5 bloques temáticos nos que se inclúen diferentes posters:

• Posta en valor dos restos patrimoniais e naturais
• Biomasa para producir abono e combustíbel
• Caza
• Restauración de zonas queimadas
• Principais aproveitamentos: forestal, gandeiro, micolóxico, melífero, plantas medicinais, froitos silvestres, etc.

A mostra foi realizada polo antigo PRODER da Área Intermunicipal de Vigo e arredores, na actualidade está depositada no GDR da Mancomunidade de Vigo e foi cedida temporalmente á organización da V Feira sustentable da Estrada.

Así mesmo, o sábado pola mañá a Feira Sustentable contará coa animación do grupo de música tradicional OS LERENSES cuxa actuación promove e financia o XACOBEO, que ven a colaborar deste xeito coa V edición da Feira.

Na Asemblea Local celebrada o pasado venres 23 de abril, Raquel López Doce, actual Primeira Tenente de Alcalde da Estrada, anunciou a toda a militancia do BNG a súa intención de non ser a cabeza de lista desta organización política ás vindeiras eleccións municipais de 2011. Así o anunciou en rolda de prensa a todos os veciños e veciñas da Estrada a Primeira Tenente de Alcalde, hoxe luns, acompañada por Xoán Carlos Castro e Maribel Ruíz, do Grupo Municipal do BNG, e polo Responsábel Local do BNG, Xosé Manuel Baños.

Tras agradecer á militancia nacionalista da Estrada a comprensión manifestada coa súa decisión, esta indicou que o BNG xa coñecía a temporalidade na asunción da Portavocía municipal e manifestou o seu desexo de retornar á súa actividade profesional, tras a paréntese de case 4 anos dedicada en exclusiva á actividade municipal.

O Bloque da Estrada, seguindo o calendario marcado polo Consello Nacional do BNG, elixirá o cabeza de lista antes do 10 xullo, data límite fixada por este organismo para as grandes cidades e concellos que solicitaran elixir o candidato na primeira quenda.

Este anuncio non terá consecuencias no grupo municipal do BNG, xa que Raquel López continuará no cargo de Primeira Tenente de Alcalde e de Concelleira até o remate do mandato, é dicir, até 2011.

Na rolda de prensa, Raquel López manifestou non estar preocupada polo futuro do BNG estradense, indicando que ademais de contar con persoas idóneas para darlle o relevo, o traballo que están a realizar durante estes anos, tanto ela ao fronte da Concellaría de Medio Rural e Turismo, coma o que desenvolven os seus compañeiros, Maribel Ruíz e Xoán Carlos Castro, será un moi bo aval para presentarlle a cidadanía estradense de cara ás vindeiras municipais que contempla con optimismo para os nacionalistas. Segundo indicou, non lle faltan folgos para continuar este último cuarto de mandato no que lle quedan ao BNG proxectos e actuacións importantes que por en marcha.

A preguntas dos xornalistas, e aclarando que non é este o momento de facer balances, e aínda que non lle corresponde esta responsabilidade aos Concelleiros do BNG, lamenta que o PXOM aínda non estea rematado, xa que foi o principal motivo que os impulsou a asumir tarefas no Goberno Municipal. Malia todo, os tres concelleiros porán todo o necesario para que o Plan Xeral estea rematado o antes posíbel.

Esta tarde a Concellaría de Medio Rural e Turismo presentou e proxectou o vídeo “Auga de Vida, nas fontes e nos lavadoiro”, que é o colofón á rehabilitación dalgunhas das fontes e lavadoiros máis relevantes do noso Concello. Dentro desta traballo de recuperación atópanse a fonte de Chaín (Frades), a de Barco (Couso), Fonte dos Carballiños (San Miguel de Castro), Leicures (A Estrada), etc.

A Concellaría, que dirixe Raquel López, levou a cabo este iniciativa, porque os s bens patrimoniais relacionados coa auga posúen un gran protagonismo no noso Concello, abarcando diversas tipoloxías que van desde a arquitectura civil, á industrial ou mesmo á etnográfía.

Nesta última categoría inscríbense, entre outros elementos, as fontes e os lavadoiros, esenciais desde tempos pasados para a vida doméstica. Xunto a estes, hai construcións cuxas augas eran consideradas milagreiras, pos sandaban enfermidades das persoas e mesmo evitaban pestes nas colleitas; ademais dunha indiscutíbel cantidade de mananciais con propiedades mineromedicinais.

Coas fontes e cos lavadoiros, póñense tamén de manifesto destacados oficios como o de canteiro, o de augador ou o de lavandeira. Este último soía ser exclusivo das mulleres, que percorrían as casas para recoller a roupa, lavala e devolvela aquelada.

Nunha reunión convocada pola Concellaría de Medio Rural a semana pasada, que dirixe a nacionalista Raquel López, á que asistiron o presidente da Asociación de Veciños “O Castro”, Xesús Martínez, e representantes das empresas adxudicatarias do Tren de Alta Velocidade e da adxudicataria da canteira de extracción de áridos, acordaron o arranxo inmediato dos viais que une os lugares de Moimenta e Carballal, na parroquia de Arnois.

Raquel López e o presidente da asociación trasladáronlle nesta reunión o malestar dos veciños desta parroquia polas fochancas que inundan esta estrada, e que son debidos ao paso continuo de camións da canteira de das obras do TAV. Na reunión, as empresas comprometéronse a arranxar estes desperfectos de xeito inmediato e tamén se farán cargo do custe das obras.

O Concelleiro de Deportes e Participación Cidadá, Xoán Carlos Castro, presentou onte, xunto co Presidente da Asociación Ciclista Bikestrada, José Manuel Fondevila, e o Secretario, Carlos González, a nova sinalización da ruta de bicicleta de montaña Rapa das Bestas e Salmón. A sinalización, que contou cunha subvención da Xunta de Galiza de 44.000 euros, están homologadas internacionalmente, e marcan o itinerario a seguir, en bicicleta ou a pé, durante preto de 100 quilómetros.

A Ruta Rapa das Bestas discurre por Ouzande, A Somoza, Monte Cabalar e Codeseda, sabucedo, Couto da Pereira, Souto, Arca, Monte Redondo entre outras parroquias e lugares do noso Concello, até chegar á zona deportiva que é o punto de saída de ambas as dúas rutas.

A Ruta do Salmón, que tamén sae da zona deportiva discurre polas parroquias de Matalobos, Gondomar, San Xiao, Cora, ao longo do río Vea. Continúa por Santeles, Paradela, preto do Ulla, e sobe preto do Liñares até chegar á zona deportiva.

A ruta de moutain bike non só é unha aposta polo deporte, senón que premite dar a coñecer o noso rico patrimonio paisaxístico e cultural, e serve tamén de promoción dunhas das festas máis senlleiras do noso Concello, a Rapa das Bestas.