Vertedoiro preto do Río Vea

Nunha leira, entre as parroquias de San Xiao de Vea e Santo André de Vea, atópase un vertedoiro incontrolado a escasos 50 metros do río Vea, sen que ningunha autoridade municipal ou da Xunta de Galiza moveran un dedo para eliminar estes verquidos.

Este vertedoiro, no que se poden atopar todo tipo de vehículos e camións, a parte de ter un grande impacto paisaxístico, polos materiais que alí se atopan tirados representan un risco para a conca fluvial do río Vea.

O BNG ven de apresentar no rexistro da Consellaría de Innovación e Industria unhas alegacións para modificar o proxecto de Parque Eólico que se tenta instalar nos montes de Arca, solicitando nas mesmas o soterramento das liñas de alta tensión para evitar o impacto ambiental e visual, na saúde das persoas e mesmo no económico que teñen as liñas deste tipo de instalacións de aproveitamento eléctrico.

O grupo municipal do BNG na entrevista que mantivo co Delegado de Medio Ambiente, Juán Francisco Froján, solicitoulle que tomara medidas coa depuradora de Aguións, que en reiteradas ocasións ten un funcionamento irregular repercutindo negativamente no cauce do río Liñares. O Delegado, como consecuencia da denuncia presentada polo BNG, enviará un equipo técnico para supervisar o funcionamento da citada depuradora, elaborando un informe para determinar as causas do seu mal funcionamento e logo aportar as solucións necesarias.

Noutra orde de cousas o Grupo Municipal, encabezado pola súa porta-voz, Raquel López Doce, tamén expuxo a súa inquietude pola situación dos nosos ríos, solicitándolle ao Delegado que se elabore un diagnósticos dos mesmos e estudar os problemas que teñen para logo actuar en consecuencia. Tamén lle expuxeron a súa inquietude polos estragos que están a efectuar os xabaríns instándoo a que dende a Delegación de Medio Ambiente tomen as medidas indemnizatorias pertinentes coa máxima celeridade, para que as desfeitas dos xabaríns repercuta o menos posíbel nos petos dos viciños e viciñas afectados.

O BNG denunciou onte en sesión plenaria que a rede de sumidoiros do Polígono de Toedo verte directamente ao río de Figueroa logo de que viciñas e viciños da zona que fixeran chegar as súas queixas á nosa organización. Xan Carlos Castro Blanco puido constatar insitu este verquido, que se debe, ao noso entender, a que rede de sumidoiros do Polígono atópase desconectada da rede principal, polo que se verte directamente ao río sen ningún tipo de control.

Xan Carlos recordou os verquidos que no pasado sufriu este río, debido ao mal funcionamento da anterior depuradora, e solicitiou unha solución global para rematar dunha vez coas deficiencias detectadas na rede de saneamento da vila.

O BNG, por medio de Xan Carlos Castro, Concelleiro, e Xosé Magariños, Responsábel Local, denunciaron que a depuradora de Aguións, de recente inauguración e que sustitúe ás anteriores depuradoras máis pequneas, verte directamente ao río Liñares augas dunha cor anormal para unha auga que pasou un proceso de depuración.

Ademais, durante o seguiemento que lle fixo o BNG a esta depuradora detectaron unha presenza excesiva de carga orgánica e doutros refugallos, polo que se deduce que a o funcionamento desta depuradora non se axusta ás necesidades do noso Concello, ben sexa por un fallo non seu funcionamento ou ben por non axustarse o deseño da mesma ao volume de auga que debe tratar.

Polo que o BNG solicitará no vindeiro Pleno da corporación, que o Concello revise o funcionamento desta estación depuradora ou os cálculos de deseño da mesma, e esixa á empresa constructura a súa revisión ao estar a depuradora ainda en garantía de construción.