A oportunidade histórica perdeuse cando o PP votou en contra das emendas do BNG para recuperar a Torre de Guimarei.

Temos que recordar, que foi o BNG quen tivo a iniciativa de presentar emendas aos orzamentos da Xunta e do Estado, (600.000 euros en total) para unha implicación das tres administración na recuperación deste emblema do noso Concello.

Que o PP copie as iniciativas do BNG non é nada novo, nun partido carente de ideas para A Estrada, que suple a súa ineptitude con continuas e inútiles comparecencias de prensa, parasitando as iniciativas doutros.

No BNG estamos de acordo en recuperar para o Concello a Torre de Guimarei, pero entendemos que con esta moción que presentou José López o PP está a tomarlle o pelo a todos os veciños e veciñas da Estrada, esixíndolle ao Goberno Municipal, aquelo que co seu voto en contra no Parlamento Galego lle negaron a todos os estradenses.

A oportunidade histórica da que fala José López, perdeuse cando levantou a man no Parlamento Galego en contra da Torre de Guimarei, do Centro de Día, da ampliación do Pérez Viondi e da Cidade do Móbel, que foron as emendas que presentou o BNG aos orzamentos da Xunta de 2010, valoradas en máis 1.500.000 euros.

Malia todo, o BNG non descansará até que a Torre de Guimarei sexa un ben de propiedade pública, e xa anunciamos que a finais de ano volveremos a emendar os orzamentos da Xunta e do Estado para recuperar para o Concello este ben de interese cultural.

A Concellaría de Medio Rural e Turismo da Estrada organiza as primeiras xornadas de Historia da Estrada centradas na Idade Media. Estas levaranse a cabo o 15 e 16 de xaneiro, ás 19 horas, na Sala de Exposicións Caixa Nova.

Na primeira xornada, o venres 15 de xaneiro, intervirán Anselmo López Carreira, coa súa palestra “O contexto Político de Galiza no Mundo”, e Mercedes Brea, coa palestra “Os trobadores da Comarca”.

Ao día seguinte, o sábado 16, ás 10:30 horas, partirá da praza do Concello un roteiro que discorrerá até a Torre de Guimarei e a Igrexa de Ouzande. Pola tarde, ás 19 horas, proxectarase o vídeo “A Estrada románica” e a continuación, o escritor, Xosé Luna, expoñerá a palestra “O noso románico”.

Con estas xornadas a Concellaría de Medio Rural e Turismo non só dar a coñecer o noso rico patrimonio arquitectónico, senón vinculalo á nosa historia para coñecérmonos mellor as nosas orixes.

Este xoves 8 de outubro, ás 20:30 horas, arranca a Plataforma Queremos Galego da Estrada, cun acto de presentación na Sala de Exposición de Caixa Nova. Haberá a proxección do vídeo "Golpe ao Galego".

A xestión das últimas Festas de San Paio xerou entre a cidadanía estradense unha grande polémica, ademais do descrédito que supuxo para A Estrada enteira a falta de previsión das persoas que con boa vontade integraban a mesma; sen embargo e a falta de todos os datos necesarios para clarificar a situación económica que quedou tras as Festas, e tendo en conta que non é esta vez a primeira, nos últimos anos, que este sistema vén demostrando non ser o axeitado. Aínda que con outros matices cabe lembrar os despropósitos das Comisións de Festas dos anos 1998 cando moitos/as estradenses puxeron en dúbida o labor, e sobre todo, a actitude de membros destas Comisións, e 1996 , cando desde aquela se manifestou un lamentábel desprezo pola nosa língua e a súa normalización, ao intentar expulsala dos elementos publicitários que anunciaban as celebracións do San Paio. Temos que ter en conta que as Festas do San Paio sobordan os límites parroquiais e son as Festas de toda A Estrada, consideradas referente de todo o Concello no noso contorno.

Desde o BNG recoñecemos e constatamos que cada vez resulta máis difícil atopar persoas que se comprometan a formar parte desinteresada nunha Comisión que ten que realizar un, por veces, ingrato traballo, pero non podemos aceitar que a solución a este problema sexa, como fixo o PP no seu momento, politizar partidistamente a súa composición e integrar no seu seo a persoas que tiñan intereses económicos nos espectáculos que a própria Comisión tivo que xestionar.

A solución a este problema, para o BNG, pasa porque sexa o Concello da Estrada quen asuma plenamente a responsabilidade da Organización de todas as festas da vila, dando participación na mesma a todo o movemento asociativo cidadán, razón pola cal instamos á Corporación á aprobación da seguinte

PROPOSTA SOBRE CONSTITUCIÓN E FUNCIONAMENTO DUNHA COMISIÓN PERMANENTE DE FESTAS DA ESTRADA

Raquel López Doce, Tenente de Alcalde da Estrada e Concelleira de Medio Rural e Turismo, explica a campaña que se levará a cabo desde o Concello para que a Rapa das Bestas estea entre 10 tesouros do Patrimonio Inmaterial do Estado Español.

As votacións empezan o día 15 de xuño e rematan o 28 do mesmo mes, e pódese votar desde a seguinte ligazón. A competencia é dura, porque a Rapa compite con outros eventos de maior proxección mediática que A Rapa, pero entre todos e todas poderemos. Vota pola Rapa!!.

A continuación poderedes ver o vídeo da homenaxe, que a instancias do BNG, lle deu toda a corporación municipal aos concelleiros fusilados en 1937, no que o pasado día 5 de xuño se cumpriron 70 anos