Luns 22 de Decembro de 2003 - 00:00
O BNG apresentou hoxe no rexistro do Concello unha moción
coas demandas veciñais, avaladas por máis de 1.700
sinaturas, solicitando una bonificación do 37,50% no recibo do
IBI do ano 2004 para todos os inmóbeis da vila, mentras non se
aprobe unha nova Ponéncia de valores, e para arranxar o
incremento do 60% deste ano 2003, solicita unha liña de
subvencións, para subsidiar calquera reforma que se faga nos
inmóbeis.
Gonzalo Constenla, Porta-voz Municipal do BNG
|
No ano 1996, a Xeréncia do Catastro, co consentimento do
Alcalde, Ramón Campos, por meio da sinatura, procedeu a
actualizar os valores catastrais da Estrada, o cal deu como resultado
unha proposta chea de erros e cantidades desproporcionadas. A
cidadania, indignada polos custes que tal despropósito lle
suporia, mobilizou-se en torno a unha Plataforma Cidadá que
conseguiu que o Governo Municipal dé-se marcha atrás e,
polo menos, só se aplicase o coeficiente do 0,20% nos recibos
do IBI mentres non se procede-se a variar a Ponéncia de
Valores axutada aos verdadeiros valores de mercado e se correxisen os
numerosos erros que contiña e contén.
Sen embargo, o Governo Municipal non
cumpriu a encomenda e compromiso adquiridos no correspondente Pleno
da Corporación Municipal e chegados a estas alturas do ano
2003, xa case entrados no 2004, os valores catastrais non se
modificaron, os erros persisten, e os recibos subrion un 60% ou máis,
o cal está xerando unha contundente resposta veciñal.
Perante esta situación, o BNG
considera que a Corporación Municipal debe tomar a iniciativa
e debater e aprobar as oportunas medidas que axuden a resolver a
situación, motivo polo que solicita a toma en consideración,
debate e aprobación das seguintes propostas:
1.- Introducir na Ordenanza Fiscal do
IBI una bonificación do 37,50% para todos os inmóbeis
do casco urbano, mentres non se proceda á aprobación
dunha nova Ponéncia de Valores sen erros de sobrevaloración.
2.- Aprobar unha modificación
nos Orzamentos municipais para o ano 2003 coa introdución
dunha partida destinada a abrir unha liña de subvencións
para subsidiar calquera obra de reforma, acondicionamento ou mellora
dos inmóbeis do casco urbano.
3.- Constitución dunha Comisión
Municipal para a elaboración dunha nova Ponéncia de
Valores, integrada por un representante de cada un dos Grupos
Municipais, dous representantes veciñais e técnicos
internos e externos. Esta Comisión terá como obxectivo
facer un estudo fiábel dos valores catastrais, elevalos á
Xeréncia Catastral e, no seu caso, dictaminar a proposta que
elabore a própria Xeréncia. Powered by AkoComment 1.0 beta 2! |
