Na citada reunión cos viciños e viciñas pechados no Concello, o Alcalde expuxo a sua versión dos feitos ante os presentes recoñecendo a sobevaloración dos valores catastrais, aceptado mesmo a Comisión proposta polo BNG, integrada polos grupos municipais, viciños e técnicos, pero negou-se a convocar un pleno (nin ordinário nin extarordinário) para arranxar a situación da suba do 60% da contribución. Hai que sinalar que a convocatória dun Pleno antes de que remate o ano é vital para solucionar o problema, xa que as bonificacións do 37,50% nos recibos do ano 2004 non podería aplicar-se, e tampouco o plano de subvencións de arranxos de inmóbeis, tal e como propón o BNG na sua moción.

O Alcalde rexeitou as propostas do BNG alegando que iso non se podía facer por que ia en contra da lei e contra os informes dos técnicos municipais, pero hai que recordar que a bonificación do recibo da contribución si se fixo para o rural, pero non para a vila. Neste sentido Gonzalo Constenla, porta-voz Municipal refutou-lle que as interpretacións forzadas da lei o PP non tiña ningún problema en facé-las cando están en xogo os seus intereses partidistas, ben por temas eleitorais (hai que lembrar que o PP na vila non sacou a maioría de votos nas pasadas municipais) ou os seus intereses persoais (concesión de licenzas urbanísticas, algunhas delas nos tribunais).

A reunión tivo momentos moi tensos, na que os próprios viciños acusaron ao Alcade de malgastar os cartos públicos e de facer un uso indebido dos mesnos.

Os viciños e viciñas da Estrada, logo das exposicións do Alcalde sen solucións aos seu problemas, decidirón continuar co seu peche ata que o Alcalde decida convocar un pleno que arranxe esta situación.