Bieito Lobeira, Deputado do BNG, apresentou unha pregunta no Parlamento Galego, dirixida ao Conselleiro de Xustiza e Interior, Jesús Palmou, para saber que medidas ten previsto adoptar a Xunta de Galiza perante o Concello de A Estrada, para restituir a legalidade vixente e posibilitar a convocatória do Pleno Ordinário da Corporación que analise a suba do IBI.

Gonzalo Constenla e Bieito Lobeira na Rolda de Prensa

A legalidade conculcada polo Alcalde é a da Lei 5/1997 de Administración Local de Galiza, aprobada por maioría absoluta do PP no Parlamento Galego, que obriga aos Concellos de máis de 20.000 habitantes a convocar un Pleno Ordinário polo menos unha vez ao mes.

O Deputado Bieito Lobeira censurou a atitude golpista do Alcalde do marco legal, e recordou-lle ao Sr. Campos que a maioría absoluta non é un cheque en branco para facer e desfacer ao seu antollo.

Bieito Lobeira trasladou o recoñecimento e saudo do Grupo Parlamentar do BNG aos viciños e viciñas de A Estrada pechados no Concellos, pola sua atitude vital de dignidade e democrácia.