Venres 26 de Decembro de 2003 - 00:00
Que dada a actitude testalán que o Sr. Alcalde está adoptando, o cal nos leva a termos que estar pechados na nosa segunda casa, isto é, na Casa do Concello, e facer-nos pasar estas datas de Nadal, tan entrañábeis para todos pero tan adversas para os nosos petos –sobre todo desque tivemos que pagar o recibo do IBI cun 60% de incremento respecto ao do ano pasado— non nos queda máis remédio que seguir aguantando até conseguir que lle volva o sentidiño –se é que algunha vez o tivo-- ao Sr. Alcalde e actúe en defensa dos intereses da veciñanza, que para isto está. Polo que SOLICITAMOS
Que tendo en conta a lixeireza e man rota co que o Sr. Alcalde gasta os cartos públicos en xantares, enchentas, viaxes, regalos e outros gastos de representación, e, tendo en conta que eses gastos corren a conta de todos nós, esforzados contribuíntes, sobre todo despois do último sableazo que nos deu co recibo do IBI, teña a ben, por unha vez e sen que sirva de precedente, conceder unha subvención para que, xa que nos fai pasar as festas de Nadal pechados na Casa do Concello, poidamos despedir o ano 2003 e dar-lle a benvida ao 2004 cunha festa veciñal, onde non falten as uvas, as bebidas e os doces típicos destas datas, acompañados pola música do que é o noso instrumento nacional, a gaita.
Non lle facemos indicación da cantidade económica precisa, sabedores de que a súa magnanimidade en facer gasto a conta dos cartos públicos é ben coñecida, e se nun xantar oficial non ten dor en gastar perto dun millón das antigas pesetas ou se para ir de vacacións pagadas á Arxentina lle pasa ao Concello factura por valor de máis de medio millón, seguramente que, aínda que vostede non se aproveite deste gasto, ha ter a ben designar unha dotación ben cumprida.
É graza que esperamos obter de vostede, sobre todo despois de oi-lo o outro dia na Asemblea veciñal, na que entrou dicendo que era amigo de todos nós e que nos fixera moitos favores a todos (ainda que despois tivera que sair, como vulgarmente se di, co rabo entre as pernas, despois de oir os piropos que os viciños, fartos da sua actitude, lle dedicaron). Powered by AkoComment 1.0 beta 2! |
