A Asemblea de Viciños e Viciñas condea unanimemente a actitude provocadora do alcalde, tanto onte co chamamento aos alcaldes de bárrio para provocar incidentes entre os asistentes ao pleno como a sua actitude no día de hoxe á chegada ao Concello, arrincando carteis e ameazando aos veciños, chegando mesmo a agredir a un dos manifestantes que xa presentou denuncia contra el. A sua intención é provocar enfrontamentos para así xustificar o desaloxo. Polo que reiteramos a nosa demanda aos veciños para que sigan a desenvolver a sua protesta de xeito pacífico e democrático sen responder ás súas provocacións. Tamén a Asemblea amosa sua solidariedade co veciño agredido e repulsa as declaracións do alcalde dando publicidade na Radio Local de datos persoais, insultos e calumnias.

A Asemblea de Viciños e Viciñas afectados pola suba da Contribución valora positivamente a masiva asistencia dos estradenses ao pleno en demanda dunha solución á suba do IBI, o que confirma a dimensión dun problema ao que se lle negou unha solución polo goberno municipal coa axuada do PSOE. Os afectados non comprende a actitude do grupo municipal do PSOE aliñándose co PP en contra de dar-lle unha solución ao problema da suba do IBI, e moito menos que se dediquen a descalificar ás mobilizacións cidadáns cando eles viñan participando nelas desde 1996 ata que optaron por esta alianza co PP a favor da suba do IBI