Xoves 15 de Xaneiro de 2004 - 00:00
A Asemblea de Viciños e Viciñas rexeita a Oficina
Informativa proposta polo PP e o PSOE,
calificando-a de proposta trampa, xa que considera que a única
solución é criar unha Comisión para o estúdio
da ponéncia de valores, que revise os valores
catastrais na sua totalidade e non caso por caso. Ademáis, fai
un chamamento a non pagar os recibos do IBI do 2004 mentres non
se lle dé unha solución axeitada a este problema. A Asemblea de Viciños e Viciñas fai un rexeitamento unánime
a aceptar como solución do problema a creación da oficina
informativa anunciada no día de hoxe por canto o problema non é
ese senón que a ponéncia de valores está mal feita e segundo
esta proposta do PP-PSOE, a ponencia non se lle quer tocar, e
desde o momento en que se avala dita ponencia, as reclamacións
individuais que se propoñen e que son contestadas polo catastro
en base a dita ponéncia asinada polo alcalde, non son resoltas
favorablemente tal como xa ocorreu ata o de agora. De
feito as reclamacións individuais que se propón como solución
máxica xa se fixeron e non serviron de nada. Os que non
reclamaron por que consideraban que estaba ben a súa
valoración, que teñan cautela porque esta proposta é unha
trampa pois de facé-lo agora, si se resolve seguindo dita ponéncia
sobre valorada o que pode ocorrer é precisamente que lle suban o
valor catastral.
Tanto o PP como o PSOE aceptan agora que si non se resolven as
reclamacións individuais estarían dispostos a realizar
bonificacións co cal están a recoñecer que é posible esa
proposta que se fixo no pleno do día 12 e desmontase o argumento
da “ilegalidade” e a retórica administrativa con que
PP e PSOE se negaron a solucionar o problema. Polo que nada
impide que mentres non se corrixan os problemas de
sobrevaloración non se lle estea aplicar unha suba nos recibos
do IBI desde 1996 dun 100%, polo que esiximos as
bonificacións que o compensen, cando menos nun 60%, que
foi a suba do último ano. Isto debería ser aceptado polo PP e o
PSOE, salvo que o obxectivo sexa evitar unha solución a un
problema colectivo dividindo individualmente caso por caso en
trámites burocráticos interminabeis para que ao final a
resposta sexa a mesma que a que tiveron ata agora, isto é, que
segundo a ponencia de valores asinada polo Concello, os seus
valores son os correctos.
Recoñécese por todos os grupos políticos que a ponencia de
valores está mal feita (así e todo o alcalde asinouna e
ocultouna para que non fora recorrida e corrixida no seu
momento), sen embargo o governo, escudando-se nos argumentos do
PSOE amedrentando a xente cos resultados dunha revisión, mesmo
ameazando con posibeis valores por metro cadrado desorbitados con
cifras sen ningunha base, nega-se a revisar a ponéncia de
valores, cando non hai outra solución que conseguir unha
ponencia cuns valores que se axusten á realidade.
Para isto a Asemblea de Viciños e Viciñas CONVOCA
a constitución da Comisión para o estúdio da ponéncia
de valores para este venres, día 16, ás 20:00 h. e
convidamos aos tres representantes veciñais, dous técnicos
externos e un representante de cada grupo político da
corporación. A Asemblea considera que é no seo desa Comisión
na que se pode analizar desde o punto de vista técnico a
corrección da ponéncia e non en base a especulacións sen
fundamento e lanzadas con obxecto intimidatorio. A asisténcia ou
non a esta Comisión poderá-se apreciar tamén a vontade real de
cada quen de dar-lle saída ao conflito ou se fala por falar.
A Asemblea tamén acorudou NON PAGAR os
recibos do IBI de 2004 mentres
non se arranxe o problema, dado que non é xusto que se pague o
que non corresponde e polo que non se ten realmente. E tamén fai
un chamamento para que todos e todas asistamos a MANIFESTACIÓN
do Domingo ás 12´30 na praza do Concello, por canto ningunha
das propostas aprobadas polo goberno municipal serven para nada e
seguen vixentes as mesmas reivindicacións de conseguir unha ponéncia
de valores catastrais axustada coa realidade e bonificacións
para compensar a suba desproporcionada do IBI mentres esa non se
realice. Powered by AkoComment 1.0 beta 2! |
