Tamén se fixo un chamamento ao diálogo para chegar a unha solución acaida para todos e todas.

Viciños e Viciñas na Praza da "Contribución"

Viciños e Viciñas na Praza da "Contribución"

Despois dun mes de encerro no Concello da Estrada demandando unha solución pola suba de máis dun 100% no recibo da contribución desde 1999, os veciños da Estrada participan masivamente nunha manifestación que percorre as rúas da vila demandando unha solución.

O grupo de Goberno Municipal presenta como resposta ao conflicto a posta en funcionamento dunha oficina de información para orientar a aqueles que queiran facer reclamacións individuais pola sobrevaloración catastral. O problema das reclamacións individuais, que xa se presentaron no seu momento, é que a resposta sempre será negativa en función da ponencia de valores que no seu momento foi asinada polo alcalde e que avala dita sobrevaloración, e si alguén que reclama e non ten aplicada dita ponencia o que pode ocorrer é que lle van subir aínda máis os recibos. Isto é recoñecido polo propio alcalde e por eso no 1996 se aproba en pleno unha revisión de dita ponencia, algo que hoxe aínda está sen realizar incumprindo dito acordo.

O caso é que a xente que no 1999 pagaba de recibo 20.000 pts. hoxe paga 40.000, os de 50.000, hoxe pagan 100.000. etc... isto é así, por moitas voltas que se lle dean, isto é, hai un problema que ninguén pode negar: a suba abusiva deste imposto. Para solucionalo solo caben dúas posibilidades neste momento, a corto prazo aplicar unha bonificación pola cal o recibo queda nunha suba asumible, isto é, o 40 % aplicado xa no 99, e pola outra banda, sería preciso revísar a ponencia de valores para correxila co fin de que estes se correspondan coa realidade.

É mentira que os valores non cambiaran desde 1996 - como declara o alcalde - e agora pola suba da vida xa se corresponden coa realidade, pois o goberno central actualiza cada ano estes valores incrementándoos segundo o custe da vida. Co cal o tempo non cura todo como pensa o Sr. Campos, senón que neste caso perpetúa e agrava o problema. Pois parécenos gravísimo que desde o grupo de goberno se ameaze con que unha revisión dos valores catastrais vai implicar unha suba destes porque sería tanto como recoñecer que se volvería a facer mal dita revisión. A lexislación di que eses deben ser o 50% do valor do mercado e se non é asi, como ocorre nestes momentos onde nalgúns casos supera o valor de mercado, entón é que esta ponencia está mal e só alguén con mala fé como fixo o alcalde da Estrada, é quen de asinar o visto bó desta.

En calquera caso, non ten sentido facer ese tipo de ameazas intimidatorias sobre o desastre dunha nova ponencia de valores sen ningún fundamento cando se está a facer o PXOUM e por lei o Concello - se ten intención de rematar dito plano - sabe que terá que facer obrigatoriamente dita revisión (¿ou é que pensan por terceira vez abortar o Plan Xeral?), en calquera caso, de onde sacan ese argumento de que vai subir máis aínda o IBI si se fai dita revisión (nestes momentos subiu o 100% desde 1999), ¿que medo teñen a sentarse a falar con dados na man e con respaldo técnico?. O certo é que o venres se constitúe unha comisión para estudio da ponencia de valores e o PP e o PSOE se negaron a aceptar o convite a participar. O grupo de goberno municipal segue dando as costas ao problema. Despois da masiva mobilización de hoxe domingo polas rúas da Estrada, insistimos en pedírlle que se senten a negociar unha solución e que se acepte a mediación do SLG ou da Asociación de Empresarios da Estrada, para buscarlle unha saída real e eficaz a esta situación.

Escreber Comentario
Nome:	Visitante
Título:
Comentario:

Powered by AkoComment 1.0 beta 2!