Sábado 07 de Febreiro de 2004 - 00:00
Logo de 49 días de peche no Concello os Viciños puxeron fin ao encerro despois de que o Alcalde asinar un decreto, que si ben non colma todas as suas espectativas, si abre a posibilidade real de que por fin se faga un estudo dos valores catastrais da vila adecuado á realidade.
Entre os logros alcanzados está a constitución dunha Comisión Mixta de Estudo das Valoracións contidas na Ponéncia de Valores Catastrais, que se encargará de estudar e definir as sobrevaloracións que presenta a vixente Ponéncia de Valores catastrais. Tamén se recolle medidas correctoras oportunas equivalentes á aplicación dos coeficientes reductores ata a entrada en vigor da nova Ponencia de Valores Catastrais.
Gonzalo Constenla brindando cos Viciños e Viciñas
|
Texto íntegro do Decreto:
1º Proceder á constitución inmediata da "Comisión Mixta de Estudo das
Valoracións contidas na Ponencia de Valores Catastrais", integrada por: 1
representante de cada un dos grupos políticos que compoñen a Corporación da
Estrada, 1 representante da Asemblea de Afectados, 1 representante nomeado
polas asociacións dos sectores económicos locais (ACE, ACOE, e Asociación de
Fabricantes e Comerciantes do Moble da Estrada), 1 representante das
asociacións veciñais da Vila legalmente constituídas, 2 técnicos municipais e 1
técnico externo, nomeado pola Comisión a proposta da Asemblea de Afectados
(ambos os dous técnicos con voz mais sen voto).
2º A Comisión Mixta encargarase de:
- Estudar e definir as sobrevaloracións que presenta a vixente Ponencia de Valores Catastrais, utilizando como base a propia Ponencia e os datos dos valores reais de mercado, emitir dictame sobre as mesmas e formular as propostas oportunas co fin de que a Xerencia de Catastro aplique os Coeficiente redutores oportunos.
- Elaborar un Estudo dos Valores reais de mercado a efectos de que sirva de proposta para a elaboración da nova Ponencia de Valores, cando esta se realice.
3º Se a Xerencia do Catastro non aceptase aplicar os Coeficientes reductores, ou os mesmos non foran efectivos nos recibos do IBI de 2004, o Concello da Estrada aplicará as "medidas correctoras oportunas" equivalentes á aplicación dos coeficientes reductores ata a entrada en vigor da nova Ponencia de Valores Catastrais.
4º Todos estes acordos serán ratificados polo Pleno da Corporación Municipal que se ha celebrar o próximo día 9 de Febreiro. Powered by AkoComment 1.0 beta 2! |
