Martes 14 de Setembro de 2004 - 00:00
A “entente cordiale” do PP-PSOE e que o BNG denunciaramos días atrás, púxose de manifesto logo de que a Delegación do Goberno, que está en mans dos “socialistas” desde as pasadas eleccións xerais, presentara un requerimento ante o Concello para que tome as medidas oportunas e retire o Acordo do IBI que bonifica cun 37,5% todos os inmobeis da vila.
Unha vez máis ponse de manifesto a coincidencia de pareceres e polo que se ve de estratexias para dinamitar un Acordo que beneficia a todos e todas, e que desde un primeiro momento ambos partidos non querían adoptar, pero logo da presión dos viciños e viciñas, que loitaron por unha cousa que eles –pero tamén o BNG- consideraron xusta, mudaron a súa inicial oposición nunha tímida abstención, xa que, temos que lembrar, que o Acordo do IBI só foi posíbel cos únicos votos favorabeis do BNG. No BNG nunca entenderemos porqué o PSOE mudou de bando, pasando de estar de lado dos viciños a estar ao lado do PP; nunca entenderemos porqué o PSOE lle fai o traballo suxo ao PP, como queda demostrado logo de que a Delegación presentara este requerimento; nunca entenderemos como un partido que se di -con certa facheda- progresista e de “esquerdas?” e logo á hora da verdade ignora o problema do IBI e vota a favor da súa subida, que repercutiu en toda a vila da Estrada, tamén nos seus votantes que é de esperar tomen boa nota da deriva hacia a dereita que está a tomar o PSOE na Estrada.
No BNG estudaremos o requerimento da Delegación do Goberno con calma, reservándonos unha valoración máis polo miudo para os próximos días, pero chama poderosamente a atención que a Delegación do Goberno non se tome as mesmas molestias cando neste mesmo Concello se teñen cometido infraccións e ilegalidades de todo tipo (urbanismo, oposicións, etc), que só benefician unhas poucas persoas ou a uns intereses moi determinados (económicos, políticos, etc). Powered by AkoComment 1.0 beta 2! |
