Xoves 16 de Setembro de 2004 - 00:00
O requerimento do Delegado do Goberno en Galiza sobre a anulación do Acordo do IBI está fóra de prazo e por tanto É NULO.
Logo de aprobado o Acordo do IBI o Concello ten 10 días para a notificación do mesmo aos organismos oficiais; a Delegación do Goberno en Galiza recibiu a notificación o día 18 de agosto, tal e como se reflicte no requerimento, e Ésta conta con 15 días hábiles para requerir ao Concello a revogación do Acordo, prazo que remata o día 4 de setembro cando o citado requerimento ten data de saída da Delegación o día 9 de setembro, polo tanto o requerimento está presentando fora do prazo, polo que o Concello pode desestimalo sen máis trámites.
Descarga o requerimento
(.zip, 181 kb.)
|
Reunido hoxe, mércores 15 de setembro, o Consello Local do BNG da Estrada para analizar o escrito do Delegado do Goberno Central en Galiza, chegamos ás seguintes conclusións:
1.- O citado requerimento non cumpre os prazos establecidos na Lei 7/1985, de 2 de abril, que o propio requirimento invoca, pois a resolución ten data de saída o 9 de setembro de 2004, excedendo os 15 días hábiles que marca a Lei desde que se recibe a notificación do acordo plenario (que segundo o propio escrito se produciu o 18 de agosto).
2.- O feito de que a propia administración incumpra os prazos para presentar o requerimento demostra que ésta é unha acción á desesperada inducida directamente polos intereses políticos do PSOE, que lle fai o traballo sucio ao PP, empeñados por todos os medios en abortar o acordo. Só así se pode entender tal improvisación e falta de rigor, pois se as motiviacións fosen meramente técnicas e non políticas non se actuaría deste modo.
3.- O argumento anterior vese reforzado pola propia redacción do escrito, que mesmo dubida de que a redución aplicada non se axuste claramente á lei (punto 3, páxina 1 do requerimento). Asimesmo, recoñécese que a lexislación non ten mecanismo para resolver un caso que se califica como “xusticia material”; isto é, a propia Administración declárase impotente para resolver unha inxustiza, polo que o acordo do Concello vén encher esa lagoa, acordo que só contou cos votos favorabeis dos Concelleiros e Concelleiras do BNG.
4.- Ao incumprir os prazos previstos pola lei, a Delegación do Goberno non poderá interpor contencioso administrativo contra o Concello da Estrada por non anular o acordo, e éste poderá ser firme en canto remate o período de alegacións ou se resolvan negativamente as que se puideran presentar. Powered by AkoComment 1.0 beta 2! |
