Mércores 20 de Outubro de 2004 - 00:00
O BNG quer expresar a súa satisfaccion pola publicación no BOP da modificación definitiva da ordenanza do IBI, que malia aos atrancos que surdiron ao longo destes dez meses, os viciños e viciñas da Estrada, verdadeiros protagonistas desta historia, mantiveron unha actitude cívica e reivindicativa e que non depuxeron a súa firmeza a pesares das ameazas, dos sinsabores e dos inconvintes causados, grande parte sufridos en carne propia, xa que foi moito o esforzo que tiveron que facer para chegar ao final que agora felizmente se materializou.
Agora a pelota está no tellado do PSOE, a través dos seus representantes gobernativos, que esperemos non utilicen a maquinaria gubernativa, que agora está nas súas máns, para frear unha solución xusta, non discriminatoria (equipara aos viciños do rural cos da vila) e desexada polos viciños e viciñas da vila da Estrada, que saben perfectamente que esta é unha solución transitoria até que haxa unha nova ponecia de valores que se axuste á realidade Tras a publicación no BOP da aprobación definitiva da modificación da ordenanza do IBI da Estrada, pola cal se materializan os acordos plenarios que emanaron do compromiso unánime da Corporación Municipal rubricado no pleno do mes de febreiro nos que se comprometía á aplicación de medidas correctoras alternativas en caso de que a Xerencia Territorial do Catastro non modificase a sobrevaloración da estimación catastral urbana na Estrada, o BNG quer mostrar a súa satisfacción por que, pese a todos os atrancos, finalmente a Corporación Municipal se mostrase á altura das circunstancias --aínda que o acordo só contase cos votos favorábeis do BNG--, cumprise co acordo ao que se chegou cos veciños e axudase a paliar, aínda que transitoriamente, unha inxustiza manifesta como é a sobrevaloración xeral no casco urbano da Estrada.
Así mesmo, o BNG quer felicitar a actitude cívica e reivindicativa de todos veciños da Estrada quen, ben apoiando coa súa sinatura, coa súa presenza nas manifestacións e plenos e, sobre todo, a todos aqueles que fixeron o grande esforzo persoal de permanecer no peche durante varios meses e que non depuxeron a súa firmeza a pesar das ameazas, os sensabores e os incovenientes causados, foron os verdadeiros protagonistas desta vitoria que agora se debe materializar nos recibos do exercicio económico 2004.
Por outra banda, o BNG confía en que, despois de que a Institución Municipal lle puxese solución a un delongado conflito e reparase parcialmente a inxustiza que sofren os contribuíntes estradenses de teren sobrevaloradas as súas propiedades, os partidos políticos que gobernan as institucións do Estado, nomeadamente o PSOE a través da Delegación do Goberno central en Galiza, non caia na tentación de reabrir o conflito, enfrontarse co Concello e, sobretodo con todos os veciños da Estrada, por intereses partidistas. A partir deste momento, e unha vez que o Concello solucionou o problema, a pelota está no tellado do PSOE, a través dos seus representantes gobernativos. Eles deben saber que esta solución transitoria e provisional responde a un problema creado pola propia administración do Estado a través da Xerencia Territorial do Castastro (Ministerio de Facenda), co consentimento do Alcalde da Estrada, ao aprobar unha Ponencia de Valores desastrosa. Por tanto, non deberían caer na tentación de querer abortar a solución sen antes resolver a causa do problema, que é da súa total responsabilidade. Facelo sería unha total irresponsabilidade, un desafío ao pobo da Estrada e unha mostra de venganza política. Nas súas mans está demostrar que gobernan, isto é solucionan os problemas e non crean novos, e non empregan as institucións para facer política partidista.
Finalmente, o BNG cre que, tras a emisión dos recibos coas reducións aprobadas, cómpre retomar, a través da Comisión Municipal de Estudo das Sobrevaloracións Catastrais, a encomenda do Pleno da Corporación Municipal da Estrada, e, partindo do traballo exploratorio técnico que demostrou a sobrevaloración xeralizada no casco urbano, comezar a elaborar unha proposta de nova Ponencia de Valores co fin de ter rematados os traballos en canto se produza a aprobación definitiva do PXOM para que se lle dea solución definitiva ao asunto solucionando a verdadeira orixe do problema, isto é, a sobrevaloración xeralizada das unidades catastrais da Estrada. Powered by AkoComment 1.0 beta 2! |
