Como de costume, ao chegar final de ano, o noso Sr. Alcalde, D. Ramón Campos, vaise de "vacacións", pagadas cos cartos de todos e todas, por suposto, e vaise... a que non o adiviñades?, certo, vaise de novo a Argentina, coa excusa de levarlle unha axuda de 4.000 euros ao "Centro Cultural del Partido de la Estrada" en Buenos Aires, pero xa sabemos todos que o fondo da cuestión son os seus negocios e o rendimento electoral que fai da visita.

No BNG como é natural non nos opoñetemos, todo o contrario, a que se axude aos emigrantes, estén istos en Argentina, Cuba, Brasil ou onde sexa, pero o que non é de recibo, e así o perciben a meirande parte dos viciños e viciñas das Estrada é que todos os anos se subvenciona ao Centro Cultural de Buenos Aires, como si os demáis estradenses na diáspora non tiveran direito a esa axuda, xa que ese debía ser o criterio, ou así o entende o BNG, abrir ao resto dos centros culturais, mediante unha convocatoria pública, a posibilidade de acollerse a estas axudas.