Luns 09 de Maio de 2005 - 15:31
 O BNG, através dos seus deputados, Francisco Rodríguez e Olaia Fernández Davila, presentou o 15 de marzo no Congreso dos deputados unha Proposición de Lei, relativa á modificiación do Real Decreto Lexislativo 1/2004, de 5 de marzo, polo que se aproba o texto refundido da Lei do Catastro Inmobiliaria. Nesta modificación entre outras cousas solicítase que sexan as comunicades autónomas as que elaboren as ponecias de valores, xa que o BNG entende que o IBI é un imposto vinculado ao territorio, polo que a súa xestión descentralizada dos Castastros Inmobiliarios permitiría a súa adecuación as peculiares características da estructura da propiedade en cada comunicade autónoma; ademais este feito redundaría nunha maior eficacia de control sobre o fraude e permitiría un control máis directo, ao teren as CC.AA. a xestión dos Impostos de Transmisión Patrimonial e Actos Xurídicos Documentados e o Imposto de Sucesións e Doazóns, que gravan sobre todo operacións inmobiliarias. En resumidas contas, esta proposición de lei pretende que as CC.AA. ostenten as funcións relativas á formación, actualización, renovación dos Catastros Inmobiliarios, mantendo as actuais competencias dos Concellos.
O BNG no Congreso dos deputados tamén apresentou unhas preguntas para ser respondidas por escrito relativas ao IBI da Estrada e ao recurso que a administración do Estado ten prantexado contra ao acordo do pleno de introducir unha reducción transitoria na ordenanza reguladora do IBI. Concretamente o BNG prantexa ao Goberno do PSOE as seguintes cuestións:
Comparte o Goberno o sentir mayoritario dos viciños e viciñas da Estrada de sobrevaloración do valor catastral dos inmobles urbanos do municipio da Estrada, sobre todo no núcleo de poboación que dá nome ao Concello?
Cree necesario proceder a elaborar unha nova Ponencia de Valores en A Estrada de acordo coas peticións dos afectados e a Corporación Municiapal?.
Que solucións alternativas contempla o Goberno ante o problema orixinado pola sobrevaloración catastral en A Estrada, dadas as negativas continuas da Xerencia Territorial do Catastro á propostas oferecidas polos veciños e viciñas e o Concello?. Vai a retomar as consideracións remitidas no seu día pola Comisión Mixta creada no Concello?.
Parécelle razoábel que os contribuintes de A Estrada vexan incrementado o 60% o recibo do IBI dun ano para outro?
Por que impugna a solución adoptada polo Pleno da Corporación Municiapal consistente en conceder unha reducción transitoria que recolle a reivindicación veciñal?. Como se xustifica o envío do requerimento para revocar ese acordo municipal fora de prazo?.
Entabláronse vías para unha saída negociada a este conflito ao marxe da súa xudialización e que sexa satisfactoria para todas as partes?. Powered by AkoComment 1.0 beta 2! |
