Martes 21 de Xuño de 2005 - 14:01
O BNG valora moi positivamente o espectacular aumento de apoio popular que obtivo na vila da Estrada, onde superou os resultados anteriores nun 54%. O BNG quer agradecer a todos os veciños e veciñas do casco urbano estradense o seu apoio, que estimamos se debeu en primeiro lugar a un traballo constante en defensa dos intereses cidadás, como foi o caso do IBI --onde tivemos que facer de oposición e goberno--, aínda que non unicamente, sabendo sempre estar coa xente da Estrada. En todo momento, os concelleiros e concelleiras do Grupo Municipal, así como toda a organización local, nos marcarmos como obxectivo prioritario denunciar a política caciquil, partidista e de burla e desprezo á cidadanía que exerceu o PP, á que apuxemos unha actuación de apoio á cidadanía e á súa dignidade, intentando en todo momento integrar a nosa liña política municipal coa liña política do BNG a nivel nacional, e levando as reivindicacións municipais aos Parlamentos galego, español e europeo. Os resultados parecen indicar que estamos na dirección correcta, ao BNG non entendr o exercicio da política como un xeito de medre persoal nin de uso das institucións para os seus intereses; máis ben todo o contrario, pensamos que as institucións lles pertencen á xente e que están para resolverlles os problemas, non para crearllos.
Globalmente, o BNG tamén fai unha valoración positiva dos resultados acadados en todo o Concello, onde gañamos en votos e en porcentaxes con respecto ás anteriores eleccións autonómicas, chegando a conseguir o pasado domingo os mellores resultados desde que se celebran eleccións ao Parlamento Galego e estamos orgullosos de que, desde A Estrada, poidamos contribuír ao nacemento dun País Novo. Powered by AkoComment 1.0 beta 2! |
