Xoves 30 de Xuño de 2005 - 22:01
Sen o estudo previo dos valores castastrais non se poden actualizar os mesmos, o que está a causar graves prexuizos económicos aos viciños viciñas da Estrada
A Comisión Mixta de Estudo das Valoracións Contidas na Ponencia de Valores, constituida a partires dun decreto da Alcaldía, que foi ratificado polo acordo plenario de 9 de febreiro de 2004, como saída ao conflito do IBI, que mantivo pechados aos viciños e viciñas da Estrada nas intalacións do Concello, aprobou na súa sesión do 11 de febreiro de 2005 a contratación dunha consultaría ou asistencia técnica para elaborar un estudo previo á Ponencia de valores que se solicitará á Xerencia do Catastro trala aprobación do Plan Xeral de Ordenación Municipal, acordo que foi trasladado á Alcaldía através dun escrito presentado no rexistro o 9 de Xuño de 2005, sen que até o de agora haxa un resposta a esta demanda da Comisión Mixta e que non é outra que a convocatoria da mesa de contratación.
Requerido o Alcalde no Pleno do mes de Xuño polo porta-voz municipal do BNG e Presidente da Comisión Mixta, Gonzalo Constenla, para que convocase inmediatamete a mesa de contratación, éste dixo non era competente, cuestión que os técnicos municipais rexeitaron xa que era a Alcaldía quen tiña que incoar a tramitación diante da Xunta Local de Goberno. A finalidade deste estudo previo dos Valores Catastrais será, unha vez detectada unha sobrevaloración xeral dos inmóbeis da vila da Estrada, comprobar e actualizar ditos valores, nunha primeira fase, partindo do valor real de mercado do solo urbano. Este estudo realizarse paralelamente ao proceso de elaboración do PXOM e, unha vez aprobado este, terase que, nunha segunda fase, actualizar e revisar aqueles casos onde houber un cambio de valoracións.
O BNG, apoiando totalmente ao Presidente da Comisión Mixta, Gonzalo Constenla, solicita, máis una vez, que se informe á Presidencia dos pasos que desde a Alcaldía se deron para cumprir o acordo da Comisión e, en caso de que o expediente non se iniciase, solicítalle que se proceda a facelo de forma urxente: en primeiro lugar para dar cumprimento ao decreto e acordo plenario referido anteriormente; en segundo, tendo en conta que de non facelo se incumprirían os prazos previstos e, finalmente, en terceiro lugar, porque tras a negativa do goberno central a retirar o recurso contra a redución dos recibos do IBI e a alusión a una posíbel infravaloración doa actuais valores catastrais, cómpre actuar urxentemente para dispor dun estudo que comprobe e determine os valores catastrais da vila da Estada, partindo do valor real de mercado, pois a sobrevaloración dos mesmos reflectida na actual Ponencia de Valores, reiteradamente recoñecida e demostrada polo Concello da Estrada, causou e segue causando graves prexuízos económicos aos propietarios de bens inmóbeis da nosa vila. Powered by AkoComment 1.0 beta 2! |
