|
Goberno Municipal contratou sen convocatória pública
|
 |
 |
 |
Calificación usuario/a: / 0
|
|
|
|
Domingo 15 de Xullo de 2001 - 00:00
A Comisión de Governo do día 18 de Xuño
de 2001, e fora da orde do día, decidiu contratar
directamente e sen convocatória pública a un
sobriño directo do Sr. Alcalde para realizar labores
de xardinería durante un mes pola cantidade de 230.000
pts brutas, polo que o BNG apresentou Recurso,
apresentado o 14 de Xullo de 2001, solicitando a anulación
desta decisión de acordo cos seguintes argumentos:
- Ao proceder á contratación directa vulneraron-se
gravemente todos os princípios e procedementos do
acceso ao traballo ao servizo da administración pública:
igualdade, mérito, capacidade e publicidade e,
por tanto, infrinxiu-se a Constitución española
(1978), a Lei 30/84 da Función Pública de
Galiza, o Decreto 93/91 do Regulamento de Provisión
de Postos de Traballos, Profesional e Promoción Interna,
a Lei 75/85 Reguladora das Bases do Réxime Local,
a Lei 5/97 da Adminsitración Local de Galiza e o
próprio Convénio Coletivo do Persoal ao servizo
do Concello da Estrada.
- O marco normativo vixente só permite unha excepción
para realizar contratacións directas de persoal sen
prévia publicidade e convocatória de concurso
ou concurso-oposición e esta sería para contratación
urxente de persoal non permanente, sempre e cando a contratación
non supere os 15 días (Real Decreto 22223/84 sobre
contratación de persoal non permanente), condición
que non se cumpre neste caso.
- O acordo tomou-se por unanimidade pese as adverténcias
do Secretário de que era preceptiva a convocatória
pública, segundo se recolle nas Actas de dita
Comisión de Governo.
- O Sr. Alcalde, pese a ser tio primeiro do contratatado,
non se abstivo no procedemento, vulnerando asi o artigo
28 da Lei de Réxime Xurídico das Administracións
Públicas e do Procedemento Administrativo Comun (LRXAPPC)
que reza: "As autoridades e o persoal ao servizo
das Administracións en quen se dean algunhas das
circunstáncias sinaladas no número seguinte
deste artigo [entre elas a do ponto 2.b que di: "Ter
parentesco de consanguinidade dentro do cuarto grao"]
absterán-se de intervir no procedemento.
- O devandito acordo de contratación é nulo
de pleno direito de acordo co artigo 62 da LRXAPPAC que
así o dispón, no seu apartado e) "os
dictados prescindindo total ou absolutamente do procedemento
legalmente establecido..." e ponto 2.: "Tamén
serán nulas de pleno dereito as disposicións
administrativas que vulneren a Constitución, as leis
ou outras disposicións administrativas de rango superior..."
|
