Perante a noticia recollida hoxe por un medio de comunicación de ámbito comarcal sobre a demanda presentada polo avogado do Estado contra o Concello de A Estrada pola redución do recibo do IBI, o grupo municipal do BNG, unha vez posto en contacto co letrado que defende ao Concello, quere aclararar que o acto trátase dun procedemento normal de continuación do expediente e a súa non presentación por parte do avogado do Estado podería dar lugar á apertura dun expediente a dito funcionario. Polo tanto, dita demanda non supón ningunha traba para o procedemento nin está directamente relacionado coa suspensión cautelar para as reducións do recibo do IBI.

O BNG entende que esta “demanda” foi interesadamente filtrada á prensa local coa clara intencionalidade de introducir novos elementos, que non son tal, e inducir á confusión e intranquilidade de todos os veciños e veciñas do casco urbano da Estrada.

Por último, o avogado defensor do Concello, e tamén o BNG, queren transmitir unha mensaxe de tranquilidade e de normalidade aos veciños e veciñas da vila da Estrada, lamentando a alarma e a confusión que tivo a filtración interesada desta noticia.

Escreber Comentario
Nome:	Visitante
Título:
Comentario:

Powered by AkoComment 1.0 beta 2!