O Concello da Estrada ven declarando cada ano, dende hai varios anos o Ano Cultural, dedicándollelo a persoeiros, colectivos ou feitos do mundo cultural estradense. Entendemos que a Cultura é indisociable da Memoria, e A Estrada ten sen dúbida unha enorme débeda coa Memoria histórica local, polo que solicitamos que o ano 2006 sexa o Ano dos Mártires da Estrada.

O Alcalde, Jesús Puente Fontanese os Concelleiros da Corporación cos nenos da escola de Guimarei

No marco do 70 aniversario da sublevación militar que desencadeou en Galiza a máis brutal represión da súa historia, coa execución e encadeamento de milleiros de persoas e a fuxida cara un longo exilio dos cidadáns contrarios ao réxime militar; está a lembrarse en toda a nosa xeografía ás vítimas inxustamente silenciadas e ocultadas durante máis de 30 anos de réxime democrático. Neste sentido a Xunta de Galiza ven de declarar oficialmente o 2006 como Ano da Memoria.

As vítimas do noso concello aínda hoxe seguen sen ser lembradas, como se fora un castigo póstumo a maiores da súa execución. Non ten sentido homenaxear a ninguén máis mentres non se lle renda tributo aos estradenses que máis deron pola Estrada: a súa vida. E xa non se pode consentir por máis tempo que se lles siga a agraviar cada ano relegándoos de xeito degradante.

Non pode escusarse máis que unha Corporación Municipal non lembre a un dos seus Rexedores, Jesús Ignacio Puente Fontanes; que foi fusilado o 5 de xuño de 1937, logo dun xuízo sumarísimo sen posibilidade de defensa e incumprindo a legalidade vixente. O mesmo que o Tenente Alcalde Ramón Fernández Rico. Xunto con outros membros da corporación como o tamén Concelleiro José Rodríguez Sangiao, o ferreiro de Guimarei ou Candido Tafalla Froiz. Outros moitos como José Figueiras Cabaleiro foi buscado na súa casa de Paradela, e nunca máis se volveu saber del.

Manuel Puente Porto, José María Pena López, Manuel Vázquez Cruz, José Gómez Rivas, Higinio Carracedo Ruzo, José Vidal Puga, Manuel Nogueira González, Manuel Graciano Araujo, os irmáns Erundino e Olegario Ventín Picallo, e tantos outros que non cometeran outro delito ca ter unha ideoloxía diferente á triunfante, foron inmolados naquel momento e aos culpables non imos ser nós quen os lembre.

Non quixeramos ter que lamentar, para vergoña da nosa vila, que pasará outro ano máis sen acordarse da traxedia que sufriron os nosos veciños.

Mesmo desde unha perspectiva estritamente cultural, non se pode ignorar por máis tempo a escritores estradenses coma José Cortés Fernández e Bernardo Mato Castro tamén asasinados nesas infaustas datas.

Por iso, para corrixir este desleixo, atendendo a última vontade das vítimas que era a de ser recordados, tal como sinala o Tenente Alcalde na emotiva carta dirixida a esta Corporación e que xa é de coñecemento público, o Grupo Municipal do BNG, propón ao Pleno que o Ano 2006 sexa dedicado aos MÁRTIRES DA ESTRADA.

Comentarios

comparto totalmente este ultimo comentar Escrito por Visitante en 2006-02-23 18:40:24 Tamos cheos de tanto martir. O PP son caciques e cerrados, o PSOE non sabe nin por onde anda, e vos en vez de falar rebuznades. Sodes todos iguais. Eu penso que facelo peor e dificil. Gustariame estar nas vosas cabezas, ¿igual pensades que o facedes de puta madre?, co facil que seria sacar de ahi ó PP. aiiiiii¡¡¡¡ que ruina.

MARTIRES 2006 Escrito por Visitante en 2006-01-28 20:19:17 mARTIRES SOMOS TODOS LOS QUE TENEMOS QUE AGUANTAR A GENTE INCOMPETENTE QUE NOS GOBIERNA EN LA ACTUALIDAD (PP)... PERO A LOS MAS INCOMPETENTES QUE ESTAN EN LA OPOSICION (LEASE PSOE-BNG), CON CONCEJALES INEXPERTOS, RESABIDOS Y MAL FORMADOS (P.EJ. LOS LOPEZ (VILARIÑO Y LA JOVEN NOA LOPEZ) QUE SIENTAN CATEDRA CADA VEZ Q ABREN LA BOCA.... DEJEN DE MARTIRIZARNOS Y HAGAN ALGO PRODUCTIVO

Escreber Comentario
Nome:	Visitante
Título:
Comentario:

Powered by AkoComment 1.0 beta 2!