O PP por un lado pide consenso de todas as forzas políticas do Concello para aprobar o PXOM e por outra actúa en solitario coa mesma prepotencia de sempre e ás costas do resto dos representantes políticos das viciñas e viciños.

Desde que chegou o ditame da Consellaría só se convocou unha vez a Comisión de Urbanismo, temos que coñecer pola prensa das decisións que van tomando, non fomos convidados á entrevista coa consellería e agora o BNG entérase pola prensa que van a solicitar á Xunta o levantamento das licenzas na Vila esquecéndose totalmente do rural.

Para o BNG non é aceptábel ningunha solución que non recolla ao rural; a paralización de licenzas no rural empezou o 1 de xaneiro de 2003 coa entrada en vigor da Lei 9/2002, case 1 ano antes ca no casco urbano, e consideramos que o PP non ten máis alternativa ca aprobar o PXOM, calquera solución que se adopte ten que permitir a concesión de licenzas no rural; non só porque sexamos conscientes de que hai moitos estradenses que teñen pendente a construción das súas vivendas, senón tamén porque esa é a actividade de moitos pequenos construtores que levan xa tres anos e medio de inactividade.