O PP rexeitou onte no pleno ordinario de cada mes a proposta do BNG na que solicitaba a intermediación da Consellaría de Política Territorial para que elaborara unhas normas transitorias ante a perspectiva da entrada en vigor das normas subsidiarias do ano 1978 se non se aproba o PXOM antes do 16 de agosto, tal e como ben anunciando o BNG desde a recepción do ditame da Consellaría.

A non aprobación do PXOM antes do 16 de agosto implica necesariamente a entrada en vigor das normas subsidiarias, que deixa ao rural sen ningún tipo de planeamento ao que acollerse no caso de querer construir. Ao BNG tampouco lle vale a solución de aprobar parcialmente o PXOM, tal e como anunciaron días atrás destacados membros do PP, isto é, aprobalo na vila e deixar o rural para máis adiante, posto que o rural leva moitos anos coas licenzas paralizadas, e non se pode seguir freando por máis tempo o desenvolvemento do rural da Estrada.

Para o BNG a única solución válida é a aprobación do PXOM na vila e no rural. De non ser así, a alternativa menos mala é a intermediación temporal da Consellaría que elaboraría unhas normas transitorias para poder construir na vila, pero tamén no rural.