O BNG apoia as iniciativas veciñais de reclamar que o SERGAS non elimine o atendemento nos centros médicos espallados polo rural, xa que entende que nun Concello como o da Estrada, cunha dispersión poboacional tan eleveda, é necesario manter acesos estes centros de atención primaria para atender acaidamente ás viciñas e viciños do rural, evitando tamén deste xeito o colapso do centro de saúde da Vila.

Así mesmo, o BNG non entende a atitude do alcalde de tomar as rúas no canto de asumir as responsabilidades que lle corresponden como máximo mandatario municipal, xa que, como é o caso do Foxo, é unha situación previsíbel, que puido evitarse, o que deixa moi claro que o seu comportamento obecede exclusivamente a intereses electoralistas.