Venres 13 de Outubro de 2006 - 10:31
O PP quería as probas e o BNG rexistrou no Concello as probas do delito, que demostran, sen lugar a dúbidas que a decisión de non construír o centro médico do Foxo foi unha decisión tomada polo PP, plasmada nos diarios de sesións do Parlamento, na que ano tras ano, rexeitaban as emendas presentadas polo BNG para que este centro fora unha realidade. O BNG tamén lle remitiu ao PP por correo a mesma documentación rexistrada no Concello, para evitar que logo saian nos medios de comunicación presentando unha documentación pretendendo manipular a opinión pública
Nas ligazóns que figuran na seguinte táboa aparecen as emendas presentadas polo BNG a respecto da construción do centro médico do Foxo, así como o resultado das mesmas, é dicir, o rexeitamento sistemático das mesmas nos orzamentos dos anos 2002, 2003 e 2005.
O BNG denuncia que o PP está a facer un uso partidista e propagandístico deste problema, e tendo os mecanismos que ten o Grupo de Goberno a súa disposición non moveron un dedo para evitar que a decisión do Sergas de eliminar o centro médico Foxo. Ademais deste uso propagandista o BNG pensa que o Sr. Palmou, deputado do PP nas lexislaturas anteriormente citadas, xogou un papel protagonista no rexeitamento das emendas do BNG, nas que se incluía a construción do cento médico, e non pode vir agora como valedor do pobo da Estrada, cando foi el e os deputados do PP no Parlamento, así como os seus compañeiros no goberno, os que impediron que o Foxo teña hoxe un centro médico en condicións. O BNG non lle vai a pedir a súa dimisión, por faltar a verdade e por manipular aos veciños e veciñas do Foxo, pero serán os electores e os votantes do Partido Popular na Estrada os que evitarán que volte saír eleito deputado nas vindeiras eleccións galegas. O BNG quere un centro médico para o Foxo e utilizará os mecanismos que teña ao seu alcance para isto sexa posíbel, tamén apoia as reivindicacións veciñais, por tratarse dunha demanda xusta dos mesmos por querer dotarse dunha asistencia médica en condicións de igualdade ca do restos de veciños da Estrada, pero o que non fará o BNG e leximitimar a actuación do PP, cando estes leven a voz cantante nesta reivindicación veciñal. |
a foto
Escrito por Visitante en 2006-10-31 14:05:11
Vistes a foto como traballan arreo? | parlamento
Escrito por Visitante en 2006-10-21 21:23:14
agora sodes vós os que votastes em contra no Parlamento. Como o ides explicar?? Nom acabades caindo na mesma demagogia do PP de votar umha cousa na Estrada e a contrária em Santiago?? | garda civil
Escrito por Visitante en 2006-10-17 16:36:20
ainda que non ten que ver con esta nova, coloco aqui o comentario, porque sobre o tema en cuestión non colgades nada (será que non queredes que se enteren @s simpatizantes?):
Xa vos vale!!!! En Pontevedra os propios números do cuartel se negan a asistir aos actos do dia 12 de Outubro, porque os consideran desfasados, militarizantes e antidemocráticos. É que non tedes critério?? Que fai o Bloque na MISA da GARDA CIVIL do DIA da RAZA???!!! Só vos falta berrar o VIVA ESPAÑA de rigor. Para estas voltas non fan faltan estatutos... |
Powered by AkoComment 1.0 beta 2! |
