Martes 12 de Decembro de 2006 - 12:25
O BNG solicita que que o ano 2007, cuestión xa solicitada para o ano 2006, sexa declarado ano cultural de recuperación da Memoria Histórica Local “Mártires da Estrada”, e o PP decide que isto non é urxente, malia que estamos a rematar o ano 2006, e pásao por comisión para o seu debate
O 5 de xuño de 2007 fará 70 anos da execución do Alcalde da Estrada en 1937, Jesús Ignacio Puente Fontanes, logo dun xuízo sumarísimo sen posibilidade de defensa e incumprindo a legalidade vixente. O mesmo que o Tenente Alcalde Ramón Fernández Rico. Xunto con outros membros da corporación como o tamén Concelleiro José Rodríguez Sangiao, o ferreiro de Guimarei ou Cándido Tafalla Froiz.
O Alcalde,
Jesús
Puente Fontanese os Concelleiros da Corporación cos nenos da
escola de Guimarei
|
Manuel Puente Porto, José Gabriel Cespón, José Figueiras Cabaleiro, José Rico Gaiteiro, José María Pena López, Manuel Vázquez Cruz, José Gómez Rivas, Higinio Carracedo Ruzo, José Vidal Puga, Manuel Nogueira González, Manuel Graciano Araujo, os irmáns Erundino e Olegario Ventín Picallo, Clementino Louzao Maceira, Ramiro Salgueiro, e tantos outros que non cometeran outro delito ca defensa da legalidade, foron inmolados naquel momento na Estrada. O noso Concello até o momento non fixo recoñecemento a estes veciños que loitaron pola democracia no noso concello, sen embargo, aínda seguen vixentes os nomes dos seus asasinos nas nosas rúas. Non quixeramos ter que lamentar, para vergoña da Estrada, que pasara outro ano máis sen acordarse da traxedia que sufriron os nosos veciños. Mesmo desde unha perspectiva estritamente cultural, non se pode ignorar por máis tempo a escritores estradenses coma José Cortés Fernández e Bernardo Mato Castro tamén asasinados nesas infaustas datas.
Por iso, para corrixir este desleixo, atendendo a última vontade das vítimas que era a de ser recordados, tal como sinala o Tenente Alcalde na emotiva carta dirixida a esta Corporación e que xa é de coñecemento público, o Grupo Municipal do BNG, propón novamente ao Pleno a adopción do 2007, no que se cumpren 70 anos da execución do Alcalde e membros da corporación municipal estradense, sexa declarado Ano Cultural de Recuperación da Memoria Histórica Local "Mártires da Estrada". Powered by AkoComment 1.0 beta 2! |
