No mes de decembro o BNG presentou unha moción na que instaba ao Pleno adicar o ano 2007 a recuperación da Memoria Histórica Local “Mártires da Estrada”. O PP, como era de esperar rexeitou a proposta do BNG na comisión informativa e adicarallo á emigración.

Evidentemente o BNG non se opón a que haxa un ano cultural adicado á Emigración, pero neste ano 2007 cómprese o 70 aniversario do fusilamento do Alcalde da Estrada, Ramón Fernández Rico e parte da corporación, que presidía o Concello en 1937, e consideramos que é un acto de xustiza que A Estrada lembre a aquelas persoas que loitaron por defender as institucións democraticamente elixidas fronte a tiranía ditatorial.