O BNG da Estrada, con Raquel López Doce, portavoz municipal á cabeza, manifestouse hoxe en Moraña, acompañando ao BNG de Cuntis e Moraña, que se manifestaron por mor da paralización das obras de mellora que a Consellaría de Política Territorial estaba acometendo na estrada Moraña-Porráns, pola que a diario pasan centos de persoas, mesmo veciños e veciñas da Estrada que escollen este itinerario para evitar os permanentes atascos de Caldas de Reis.

A mellora desta estrada, que como todos sabemos atopábase en moi mal estado, sendo a única vía de comunicación dos veciños e veciñas de Moraña con Pontevedra, foi unha reivindicación feita ao longo de moitos anos polos veciños e veciñas de Moraña. Logo de comezaran as obras de mellora da estrada, a Consellaría que dirixe a socialista María José Caride paralizounas por falta de presuposto deixando o arranxo da estrada sen rematar.

Por este motivo, o BNG de Moraña e Cuntis, sumándose o BNG da Estrada, manifestouse hoxe con centos de veciños e veciñas das localidades afectadas para demandar a finalización inmediata das obras de mellora da estrada Cuntis-Porráns.