Martes 27 de Marzo de 2007 - 15:12
O BNG da Estrada celebra este xoves 29 de marzo, ás 9 da noite, no centro de Exposicións de Caixa Nova, un recinto que está no centro da vila, un acto sectorial co comercio da Estrada, e na que intervirá a Directora Xeral de Comercio, Ana Rúa.
Neste acto a directora Xeral explicará polo miúdo a lei de Comercio Interior de Galiza, que afecta, evidentemente, a un dos sectores máis importantes do noso Concello, como é o Comercio. Esta lei tenta harmonizar todo o sector e facelo máis racional e adaptado á nosa realidade. Vese afectada por esta lei por exemplo o período de rebaixas, todo o tema dos descontos, etc.
Desde o BNG da Estrada convidamos a todos os comerciantes da Estrada a este acto organizado polo BNG, pero tamén queremos facer extensivo este convite a todos os veciños e veciñas do noso Concello que queiran interesarse por este texto lexislativo, o primeiro que tenta regular este sector en Galiza, e que saíu adiante dende a Consellería de Industria, consellería que preside o BNG. Powered by AkoComment 1.0 beta 2! |
