Todos os grupos municipais (PSOE, PP, e CIDEGA) reuniranse, a petición do BNG, diante da situación en funcións da Corporación e do feito de que aínda non se constituíu a recentemente electa, para que os grupos políticos representados no Concello e os edís actuais e os futuros fagan unha homenaxe aos membros da corporación e aos veciños fusilados o 5 de xuño de 1937 na Xunqueira en Pontevedra, feito que a vindeira semana cumprirá 70 anos. Esta reunión levarase a cabo mañá venres ás 20 horas na Casa do Concello.

Esta homenaxe a celebrar o día da súa conmemoración, sería a convir entre os portavoces dos grupos políticos e podería consistir nun acto sinxelo de lembranza da data con intervencións dos representantes dos grupos municipais para afirmar os valores democráticos e de convivencia pluralista fronte ao fascismo e a intolerancia.