Tiveron que pasar 70 anos para que o Concello da Estrada rendera unha sentida homenaxe á corporación municipal fusilada na Xunqueira en Pontevedra, un 5 de xuño de 1937, pois nunca antes, dende a chegada da democracia, este feito fora recordado até hoxe.

O Alcalde, Jesús Puente Fontanese os Concelleiros da Corporación cos nenos da escola de Guimarei

O BNG, durante a pasada lexislatura, fixo varios intentos para que o noso Concello homenaxeara a Jesús Ignacio Puente Fontanes, alcalde democraticamente elexido, ao Tenente Alcalde Ramón Fernández Rico, así como a outros compañeiros de corporación como José Rodríguez Sangiao, o ferreiro de Guimarei, Candido Tafalla Froiz ou José Figueiras Cabaleiro, pero en todas as ocasións o PP rexeitou esta posibilidade, e tivo que ser agora, que perdeu as eleccións, que deu o seu brazo a torcer, e sumouse á iniciativa do BNG, á que tamén se sumaron o resto dos partidos políticos da corporación estradense.

Este sinxelo pero emotivo acto de homenaxe contou tamén coa presenza de centos de veciños e veciñas da Estrada que amosaron o seu cariño a uns familiares que perderon aos seus seres queridos polo único feito de defender a democracia fronte á barbarie fascista.

Filla do Alcalde Fusilado

José Antonio Dono, Ramón Campos e Raquel López Doce

Escreber Comentario
Nome:	Visitante
Título:
Comentario:

Powered by AkoComment 1.0 beta 2!