Os deputados do BNG no Congreso, Francisco Rodríguez e Olaia Fernández Davila, pecharon un compromiso co goberno central de consignar 1.300.000 euros para a Variante da Estrada nos orzamentos do Estado de 2008.

O BNG presentou no seu día unha emenda para elevar a partida consignada inicialmente (só 50.000 euros) e, no marco das negociacións que o Goberno está a manter co BNG para aprobar os Orzamentos do Estado de 2008, conseguiu arrancar un compromiso do goberno central de elevar até 1.300.000 euros a partida desta obra fundamental para A Estrada, e de executar o consignado, o que significa que as obras da Variante iniciaranse en 2008.

O BNG da Estrada manifesta a súa satisfacción polo compromiso acadado entre os seus deputados no Congreso e o goberno central, subliñando que esta obra leva máis de 15 anos pendente de execución, malia as emendas que sucesivamente presentou o BNG da Estrada, que se toparon sempre coa indiferenza dos sucesivos gobernos do PSOE e do PP. Tivo que ser agora, cun goberno en minoría, cando o BNG acadou este compromiso para a execución desta obra, o que demostra que esta forza defende os intereses de Galiza alí onde está representada, e é polo tanto unha organización política útil para o país e para A Estrada.

Escreber Comentario
Nome:	Visitante
Título:
Comentario:

Powered by AkoComment 1.0 beta 2!