Xoves 15 de Novembro de 2001 - 00:00
O Consello Local do BNG da Estrada celebrou o venres dia 2 de
novembro unha xuntanza para analizar polo miudo e valorar os
resultados eleitorais acadados pola nosa organización
en todas e cada unha das mesas eleitorais do noso Concello. O método que se elixiu para facé-lo foi o de primar
as valoracións e comparativas porcentuais, por riba do
do número de votos acadados, tendo en conta o aumento
da abstención que se produciu con respeito ás
pasadas eleicións autonómicas de 1997, comícios
que se toman como referencia para avaliar a evolución
de resultados. Empregarmos esta metodoloxía permite-nos,
asi, poder facer unha comparación non só da evolución
dos nosos resultados, senón tamén contrastá-los
cos das outras formación que concorreron ás eleicións.
O primeiro dado que cómpre salientar é que dos
resultados globais acadados polo BNG (o número final
de votos conseguidos, tras a proclamación oficial de
resultados pola Xunta Eleitoral é de 2.558 votos, é
dicer, 108 votos máis que os resultados anunciados pola
Xunta de Galiza na noite eleitoral) desprende-se unha suba porcentual
de 3 décimas, que fai que esta porcentaxe de votos (o
20'1 %) sexa a máis alta acadada pola nosa formación
en todos os comícios celebrados até o de agora,
e que confirma que o BNG na Estrada segue medrando e que nos
afianza como segunda forza no noso Concello, tanto nas mesas
da vila como nas do rural, en contraste coa primeira forza,
o PP, que retrocede máis de 500 votos e incia unha tendéncia
á baixa e a terceira, o PSOE, que segue caendo estrepitosamente
en votos e porcentaxes.
|
Evolución do voto do BNG na
Estrada en termos porcentuais
|
 |
|
Evolución do voto do PSOE na
Estrada en termos porcentuais
|
 |
Ademais, destacamos o noso medre continuado de voto e porcentaxes
do mesmo que se rexistra nas mesas do rural, un terreo de difícil
penetración e aumento do voto nacionalista, e que nestas
eleicións (18,1%) subiu máis dun ponto con respeito
ás do 97 (16,9%) e achegándose cada vez máis
ás porcentaxes do voto da vila (22,3%), tradicionalmente
as máis altas, que contrasta coa perda de 400 votos tanto
do PP coma do PSOE no conxunto das parróquias da Estrada.
Así, o PP baixa votos en 24 das 33 mesas do rural e o
PSOE en 26, fronte ao BNG que sobe porcentualmente en 20 delas,
mantense en 5 e só baixa en 8.
|
Evolución do voto do BNG no
rural estradense
|
 |
Dentro das mesas do rural, debemos salientar os excelentes resultados
nas seguintes parróquias onde as nosas subas significativas
producen baixas moi considerábeis tanto no PP coma no
PSOE:
- Arca: pasamos dun 15,7% a un 26,7%, co correspondente
descalabro do PP e do PSOE.
- Moreira: suba de 10 pontos porcentuais, que nos sitúa
nunhas porcentaxes do 22%.
- Oca: mesma suba que en Moreira (10).
- Paradela: suba de 9 pontos.
- Nigoi: suba de 8 puntos porcentuais (17,6%), o que supón
máis dun 100% de suba respeito ao 97 (8,38).
- Aguións e Ribela: aumento de 6 puntos porcentuais.
- Arnois e Santo André de Vea: suba de 5 pontos.
- Barcala: avance de 4 pontos .
En conclusión, podemos afirmar que, ainda que no conxunto
de Galiza o BNG retrocedeu lixeiramente as súas posicións
eleitorais, no caso da Estrada non só se mantivo nas
súas porcentaxes de apoio eleitoral senón que
conseguiu medrar e manter a tendéncia continuada á
alza que se vén rexistrando nos últimos dez anos,
o cal nos afianza como segunda forza política do noso
Concello e alternativa de governo, fronte a un Partido Popular
con síntomas de retroceso e un Partido Socialista Obreiro
Español que non consegue frear a sua caida, tamén
continuada, nos últimos dez anos.
Xa por último, e con todas as cautelas precisas, ao
tratar-se de convocatórias eleitorais de ámbito
tan diferente, de facermos unha extrapolación dos resultados
obtidos polas tres formacións no ámbito municipal,
teriamos que o BNG aumentaría a súa representación
nun concelleiro, a costa do Partido Popular, dados que confirman
que a nosa é a única formación con expectativas
de crecemento no noso Concello.Powered by AkoComment 1.0 beta 2! |
