Os feitos remontan-se aos anos 1993 e 1994 nos que o Grupo de Governo Municipal Presidido por Ramón Campos, aproban as licéncias dos edifícios situados na intersección da rua Pérez Viondi con Irmáns Valadares (con 2 alturas máis do permitido) e os edifícios da prolongación de Xusto Martínez (cunha altura máis do permitido para esa rua, sendo a prolongación máis estreita), en contra dos informes dos técnicos municipais, xa que vulneraban a normativa urbanística vixente. Con todo, o Grupo Municipal do PP, do que daquela formaba parte o que hoxe é Deputado no Parlamento.

Jesús Palmou Secretário Xeral do PP de Galiza

Galego e Secretário Xeral do PP de Galiza, Jesús Palmou, aprobou as licéncias para as devanditas edificiacións, mália ás reiteradas protestas e recursos presentados polo Bloque Nacionalista Galego.

O BNG da Estrada, ante a vulneración da legalidade vixente, e pese aos reiterados rogos e recursos presentados para que se cumprira legalidade , interpón unha querela contra os Concelleiros do Grupo de Governo ante a Audiéncia Provincial de Pontevedra, que xa aprécia literalmente que "os feitos que motivan a querela poderían ser constitutivos de senllos delictos de PREVARICACIÓN de funcionario público, ante a posible resolución dolosa e inxusta, ou neglixente e manifestamente inxusta que se puidese ter dictada nos asuntos administrativos, consistentes, en síntese, na concesión de licencias municipais de construcción con vulneración da normativa urbanística", pero que, por mor das competéncias da sá, non pode depurar as responsabilidades penais dos inculpados, mentras non haxa un fallo sobor da ilegalidade das obras.

Edifício de Pérez Viondi

O BNG, entón, interpón recurso contencioso-administrativo ante o Tribunal Superior de Xustiza de Galiza, e o 3 de novembro de 1997 dito Tribunal ANULA POR SER CONTRÁRIAS A DIREITO as resolucións do 8 de novembro de 1993 e do 5 de agosto 1994, nas que se concedian as licéncias para a construcción dos devanditos edifícios, quedando fora de ordenación.

No fallo xudicial chama a atención a seguinte apreciación do tribunal: "Pocas veces en cuestiones litigiosas de naturaleza urbanísitica se observ con tanta claridad un actuar municipal contrario a Derecho, Tanto en la resolución de la Comisión de Gobierno de 8 de noviembre de 1993, como en la del pleno de 5 de agosto de 1994".

O Alcalde, Ramón Campos, presenta un recurso de casación ante o Tribunal Supremo que desestima, confirmando a senténcia dictada pola Sala do Contencioso Administrativo do TSXG.

Unha vez demostrada a ilegalidade das concesións da licéncias con sentécia xudicial firme, cómpre agora precisar as responsabilidades penais dos infractores. Neste senso, o BNG, por médio dos nosos avogados solicitará do xulgado da Estrada que abra o proceso penal e se comecen a practicar as primeiras dilixencias e declaracións dos encausados.