O Congreso dos Diputados insta ao Governo a:

1.- Informar a esta Cámara, de forma regular, da evolución da catástrofe provocada polo sinistro do Prestige nas costas galegas, das medidas de todo tipo que se van aplicando para paliar-la, das consecuéncias derivadas e das accións do Governo destinadas a clarificar e exixir responsabilidades incluídas aquelas en que pudese incorrer a Administración Xeneral do Estado.

2.- Estudar a prolongación do dispositivo de separación de Fisterra cara o norte e ao sul, como forma de apartar o tráfico marítimo dos cantís en que faenan os barcos de pesca e, conseguintemente, de toda a costa atlántica de Galiza, mellorando asi a seguridade.

3.- Dentro da necesária e urxente mellora dos meios materiais da Sociedade Estatal de Salvamento Marítimo, para poder realizar debidamente as labores de prevención e de control, ademáis das de salvamento e loita eficaz contra a contaminación, dota-la na Galiza de:

- Remolcadores con suficiente poténcia.
- Buques de recollida de hidrocarburos no mar.
- Infra-estruturas e tecnoloxias que eliminen as zonas de sombra.
no actual dispositivo de seguridade.
- Material de loita contra a contaminación.
- Persoal cualificado suficiente.

4.- Estabelecer, no seo da UE, medidas de control eficaces do tráfico de mercancias perigosas ou contaminantes en augas dos Estados membros, e un plano de coordinación e apoio común no caso de sinistros con perigo de catástrofe.

5.- Defender, no seo da UE, que se prohiba o transporte de mercancias perigosas por parte de barcos que transiten por augas comunitárias baixo bandeira de comenéncia.

6.- Estabelecer un organigrama de Salvamento Marítimo en Galicia, no que a coordinación e participación competencial da Xunta sexan maiores.

7.- Acelerar a criación do Fondo de Compensación de danos producidos pola contaminación, proposta realizada pola Comisión Europea.

8.- Reclamar a ubicación en Galicia da Agencia Europea de
Segurídade Marítima.

9.- Reclamar con dilixéncia e na forma debida as cantidades que debe aportar o FIDAC e amparar as reclamacións xudiciais que se fagan contra os responsábeis directos da catástrofe.

10.- Depurar as responsabilidades que se deran lugar polas actuacións de autoridades públicas na forma de encarar o sinistro.

11.- Completar as medidas urxentes contempladas no Real
Decreto Lei 7/2002 de 22 de novembro, coas seguintes:

a) Extensión das axudas a todos os afectados (comercializadores, empresas de acuicultura, hostelería .)

b) Moratória para os créditos hipotecários e persoais.

c) Anticipos a conta das indemnizacións que, no seu dia se recoñezan a favor dos afectados.

d) Exencións no imposto de sociedades.

e) Plano de ocupación, en colaboración coa Xunta de Galicia, para pescadores e mariscadores afectados, en traballos de limpeza e recuperación do ecosistema mariño litoral ou en actividades relacionados co mar.

f) Estudo, en colaboración coa Xunta de Galicia, de alternativas para traballadores/traballadoras do mar vinculados a actividades de economia sumerxida, no sector da pesca e marisco.

12.- Realizar, conxuntamente coa Xunta de Galicia, unha valoración oficial de danos, que sirva como base e para todo tipo de reclamacións, especialmente as plantexadas nos procesos xudiciais, abertos ou por abrir, nos que deben persoarse as administracións públicas, que inclua as seguintes partidas:

- Limpeza de fuel no litoral.

- Compensación de ingresos deixados de perceber polo complexo alimentário do mar (pesca, marisco, conservas, distribución, etc.).

- Dano nas prazas e imaxe dos productos galegos do mar.

- Gastos asociados ao control sanitário e ambiental das nosas augas nos próximos anos para garantir e transmitir condicións de producción e recria óptimas.

- Deterioro da imaxe turística e impacto nos sectores de hostelería e restauración nos próximos anos.

- Danos causados ao patrimonio natural (rias, parques naturais, e litoral) e á sua biodiversidade, que tardará moitos anos en se rexenerar e ser o que era.

Asimismo o Pleno de Congreso dos Diputados lembra a constituición dunha Comisión de investigación parlamentária para estabelecer as causas do sinistro do Prestige nas costas de Galicia, a adecuación das actuacións oficiais no caso e a avaliación das consecuéncias da catástrofe provocada, co obxectivo de estabelecer as consecuentes conclusións e medidas.