Nesta moción apresentada polo BNG na que se solicita do Pleno da Corporación Municipal instar a:

1. Ao Governo do Estado a actuar con dilixéncia á hora de reparar e indemnizar os danos provocados polo ‘Prestige’ e solicitar do mesmo o pagamento de percepcións salariais, a exención no pagamento das cotizacións á Seguridade Social, desgravacións fiscais, moratória no pagamento de cretos hipotecários e persoais e a cobertura do sistema público de seguros para actividade pesqueira polo tempo no que dure as consecuéncias deste sinistro.

2. Ao Governo do Estado a estabelecer controis e inspección adecuados tanto sobre os barcos que recalan nos portos galegos como sobre os que transitan polo dispositivo de separación de Fisterra, para asegurar o cumprimento das condicións de seguridade e aplicar unha política preventiva, especialmente no relativo ao transporte marítimo de mercadurias perigosas.

3. Ao Governo do Estado a que leve a cabo a prolongación e distanciamento do dispositivo de separación do tráfico marítimo nas costas de Galiza, especialmente para os buques que transporten mercadurias perigosas.

4. Ao Governo do Estado a aumentar os meios materiais e humanos do dispositivo de seguranza e salvamento marítimo operantes desde Galiza para que se podan realizar debidamente as labores de prevención e controlo, ademais das de salvamento e loita contra a contaminación.

5. Á Unión Europeia a que se dote de forma imediata o fundo de indemnización dos danos causados pola contaminación por hidrocarburos en augas europeias (Fundo COPE) previsto no paquete de medidas ERIKA II; e a recurtar os prazos máximos previstos para a entrada en vigor das normas incluídas nese paquete de medidas; e asimesmo, a adaptá-las con urxéncia ao ordenamento xurídico estatal.

6. Á Xunta de Galiza para que, no ámbito das suas competéncias, adopte todas as medidas necesárias para minimizar o impacto ambiental do verquido, e asegurar a recuperación en breve prazo dos recursos marisqueiros e pesqueiros da zona afectada, asi como a concesión directa de axudas e a actuar ante as instáncias competentes para depurar as responsabilidades do sinistro e procurar a rápida e xusta satisfacción das perdas ocasionadas.

7. Ao Governo do Estado a estabelecer un organigrama de Salvamento Marítimo na Galiza, que conte coa participación da Xunta de Galiza e da Direccción Xeral da Mariña Mercante, para incrementar a eficácia dese servizo.

8. Apoiar todas as accións e mobilizacións tendentes a conseguir estes acordos, poñendo a disposición de viciños e viciñas autobuses para acudir á manifestación convocada pola PLATAFORMA CIDADÁN ‘NUNCA MAIS’, que partirá da Alameda de Santiago de Compostela, o próximo domingo dia 1, ás 12 da mañá.

Comentarios

Escreber Comentario
Nome:	Visitante
Título:
Comentario:

Powered by AkoComment 1.0 beta 2!