No Pleno ordinário celebrado pola Corporación Municipal o pasado mes de Marzo, o grupo de governo municipal do PP sacou adiante, cos únicos votos en contra do BNG, a aprobación inicial da Ordenanza Fiscal do Imposto sobre Bens Inmóbeis (IBI), coñecido popularmente como contribución urbana.

Dita ordenanza estabelece que a porcentaxe que se lle aplicará a todos os bens inmóbeis pasará do 0,25% ao 0,40%, o cal supón unha suba do 60%, e segue-se-lle impondo a obriga de contribuír ao Solo Apto para Urbanizar. Á parte desta suba, ao recibo haberá que engadir-lle o incremento do IPC do ano 2002 aplicado polo Governo Central sobre o valor catastral.

A meirande parte dos bens inmóbeis afectados pola suba do IBI están na Vila

AÍNDA ESTAMOS A TEMPO DE PARAR ESTA INXUSTIZA,
que se pode materializar cando, despois das eleicións, comecen a chegar os recibos.

Para evitá-lo, o
BNG CONVOCA UNHA ASEMBLEA INFORMATIVA, O LUNS 28 DE ABRIL, ÁS 9.00 HORAS NA SALA DE CONFERÉNCIAS DO TEATRO PRINCIPAL

AGORA É O MOMENTO, DESPOIS XA SERÁ DEMASIADO TARDE. ACUDE Á ASEMBLEA INFORMATIVA!!!

PRESENTA URXENTEMENTE UNHA RECLAMACIÓN INDIVIDUAL NO CONCELLO

Nesta ordenanza incluen-se unha série de bonificacións (para famílias numerosas, promotoras inmobiliárias, vivendas de proteción oficial, solo apto para urbanizar, vivendas rurais, etc.), con moitas das cales o BNG está a favor.

Sen embargo, esta ordenanza supón que o grave problema creado polo Alcalde ao asinar a Ponéncia de Valores non se solucione, é dicer, a sobrevaloración da maioria dos inmóbeis situados no casco urbano e a falta de medidas compensatórias para estes bens.

Desde o BNG parece-nos inaceptábel que, despois de todos estes anos de espera por unha solución xusta, o governo municipal non fora capaz de arreglar este asunto e que agora corte polo san e aprobe unha ordenanza na que se lle dan bonificacións a certos propietários excluindo aos verdadeiramente afectados.

É evidente que a solución definitiva a este problema pasa pola redacción dunha nova Ponéncia de valores que axuste os mesmo á sua verdadeira contia, pero, mentres tanto, debemos exixir que se resarza por esta suba do 60% aos realmente perxudicados. Neste senso, o BNG apresentou no Pleno da Corporación unha proposta destinada a compensar aos propietários por esta esaxerada suba, proposta que foi rexeitada polo Partido Popular, que lle dá solucións a uns e deixada chantados a os máis perxudicados, isto é, todos os propietários do casco urbano.

A modo de exemplo, e para que esta suba se visualice perfectamente en toda a
sua magnitude, presentamos uns casos elixidos ao chou:

Así pois, se vostede é propietario dun Ben Inmóbel (piso, baixo comercial, vivenda unifamiliar, terreo edificábel, praza de garaxe, etc.) dentro do casco urbano terá que facer a seguinte conta:

PRESENTA URXENTEMENTE UNHA RECLAMACIÓN INDIVIDUAL NO CONCELLO
Descarrega aquí o modelo de instáncia (Word e PDF)

Escreber Comentario
Nome:	Visitante
Título:
Comentario:

Powered by AkoComment 1.0 beta 2!