Luns 12 de Maio de 2003 - 00:00
 |
Noa López Calvelo
Viciña de Cora, estudante universitária e Monitora
de Tempo Libre
|
"Decidín participar no BNG porque aposta por melloras
reais para a mocidade estradense"
Que quere a mocidade da Estrada? ¿Cales son as súas necesidades
principais?
Ben, eu creo ter unha idea aproximada de cales son as inquedanzas e demandas
pricipais da mocidade do meu concello. Sen embargo, creo que o goberno local
non sabe realmente o que queremos, ou eso é o que se desprende das políticas
que dirixen á mocidade. Entón, ¿que vai facer o BNG diante desta situación?
Nós propoñemos que, en primeiro lugar é esencial o coñecemento,
o máis profundo posíbel, das nosas necesidades e inquedanzas.
Para iso, comezaremos a nosa acción de goberno coa elaboración
dun amplo estudio sociolóxico sobre a situación da mocidade en
todos os ámbitos: emprego, movemento asociativo, lecer, cultura, a saúde,
ensino, deporte, ecoloxía, etc. Incluiremos neste unha necesaria avaliación
de recursos existentes, tanto materiais como humanos, cos que hoxe en día
conta a mocidade estradense e tamén dos que se precisan.
Iso quere dicir que teremos que esperar para coñecer as propostas
do BNG?
Todo o contrario. Sen prexuízo dos resultados do estudo, partimos dunha
serie de propostas coas cales nos comprometemos: Crearemos un servizo de apoio
á mocidade, formado por persoal cualificado; elaboraremos un plano de
formación para o movemento asociativo; incluiremos os centros escolares
nas programacións que se elaboren; primaremos o criterio de interdisciplinariedade,
entre as diferentes áreas de goberno, que tenda a optimizar recursos
e esforzos; e, tamén deseñaremos un programa de actuación
que potencie o voluntariado, pero partindo do criterio básico da cooperación.
No referido ao asociacionismo e o lecer entre a xente nova, ¿que
propostas destacarías?
É este un dos aspectos peor tratado polo actual goberno municipal. É
necesario acondicionar e optimizar os locais tanto públicos como privados,
para así tirar deles un maior aproveitamento. Comprometémonos
a dotalos de medios e recursos. O papel do Concello será o de elaborar,
sempre en colaboración co movemento asociativo, programacións
estábeis, que teñan uns criterios e continuidade. Como exemplo,
promoverase unha actuación no lecer nocturno, co fin de dar unha alternativa
que ao mesmo tempo non sexa incompatíble cos hábitos da mocidade.
Falando de saúde, ¿Cales son os proxectos do BNG ao frente
do goberno municipal?
Nun ámbito tan importante e desgraciadamente relegado a un segundo plano,
cremos que é imperante a nedesidade de elaborar un plano de prevención
da drogodependencia tendo en conta a información, as políticas
actuación necesarias, e a reivindicación á Xunta dun maior
apoio na creación de infraestructuras. Por outra banda, tamén
realizaremos programas con contidos informativos sobre sexualidade e anticoncepción,
o mesmo de información e prevención das infeccións de transmisión
sexual. Ademais, o concello gobernado polo BNG subministrará gratuitamente
a “píldora do día despois”.
Para rematar, ¿Por que cres que a mocidade debería votar
ao BNG?
Pois pola mesma razón que eu decidín presentarme na súa
candidatura. Porque o goberno do BNG aposta pola mellora nas condicións
de vida da mocidade, e faino dun xeito real e directo amosando un especial interés
por coñecer as súas opinións e demandas.
Powered by AkoComment 1.0 beta 2! |
