O Xulgado de Primeira Instancia e Instrución nº 1 da Estrada que instrúe a causa penal (Dilixencias Previas P.A. 665/1994), a intancias do BNG, polo “presunto delicto de prevaricación administrativa” contra os membros da Comisión de Goberno do Partido Popular da Estrada, na que están imputados o Alcalde, Sr. Ramón Campos, o actual Concelleiro de Urbanismo, Sr. Reboredo Baños, o actual Concelleiro de Facenda, Sr. Arca Castro e o Concelleiro de Rural, Sr. Somoza Carbón, entre outros, dictou un Auto que dá continuidade ás Dilixencias, ao ter informado o Fiscal que aprecia indicios de delicto en tódolos imputados, en concreto estima a presunta comisión do delicto de prevaricación urbanística (Art. 320 do Código Penal) ou de prevaricación administrativa (Art. 404 do Código Penal), indicando que as penas máximas as que poderían ser condenados son de nove anos de privación de liberdade, e outras de multa e inhabilitación especial para emprego ou cargo público.

Queremos salientar, tras 11 anos de proceso, a continuidade deste preceso xudicial tras o Informe da Fiscalía, e que segudo nos informa o noso Asesor Xurídico terá continuidade nesta fase na Audiencia Provincial, onde se celebrará o xuízo.

Máis información sobre o asunto da sentencia xudicial

O BNG da Estrada comparte a preocupación dos sectores sociais da Estrada que urxen a aprobación do PXOM e coincide con eles en que o Pleno da Corporación Municipal da Estrada ten que proceder á súa aprobación urxentemente, atendendo ao interese xeral e sen pasar por riba dos lexítimos direitos dos cidadáns.

Para o BNG, o longo proceso no que o PP non só non conseguiu, senón retrasou por varias ocasións, conscientemente –baixo o noso entender por motivos relacionados coas tramas de especulación urbanística— a aprobación do mesmo, explica ben a situación actual:

A situación á que se chegou non é nin máis nin menos que o resultado de máis de tres lustros dunha nefasta política urbanística.

Se, no seu momento, os propietarios cederon os seus terreos para a apertura de novos viais a cambio da promesa de que as súas propiedades estremeiras se converterían en solares, agora teñen todo o dereito do mundo a reclamar o prometido.

Tanto Ramón Campos como José Manuel Reboredo son os máximos responsábeis do que vai camiño de converterse nun grave conflito social.

O BNG volverá a presentar alegacións ao PXOM para intentar, por última vez, darlle un xiro completo ao modelo urbanístico caduco, especulativo e inoperante do PP. Ademais, desde o BNG imos exixir que se lle dea unha solución a ese colectivo afectado.