Nunha moción presentada no pleno de onte, os tres grupos políticos expresaron o seu apoio unánime á construción en Lagartóns da Cidade do Moble que están a impulsar dende as Consellarías que dirixe o BNG na Xunta.

Tras varios anos o Polígono sectorial do Moble en Lagartóns, ao que a Corporación Municipal xa manifestara o seu apoio comeza a materializarse impulsado polas Consellarías de Vivenda e Solo e de Innovación e Industria. Este proxecto sempre foi unha das demandas do BNG para o sector do moble, cuestión que conta co respaldo dos mobleiros, dos empresariado en xeral, do comercio, en definitiva de todo o tecido produtivo e social do noso Concello.

O proxecto Cidade do Moble en elaboración vai ser pioneiro e modélico no que se refire á construción do primeiro parque empresarial especializado e de carácter estratéxico que se leva a cabo en Galiza. Ocupará unha superficie de 530 mil metros cadrados situado en Lagartóns, en terreos que o PXOM en trámite contempla como de solo industrial, onde xa están instaladas algunhas empresas do sector do moble e outras industrias, que a futura Cidade do Moble integrará, dotándoas dunha serie de servizos cos que actualmente non contan proporcionando, por exemplo, un axeitado tratamento de residuos. E será este punto, o medioambiental, no que tanto na execución coma no desenvolvemento e posterior funcionamento, este polígono sectorial vai ser exemplo, non so por garantir que se cumpra toda a normativa na materia, e deste xeito, evitar danar aínda máis o río Liñares, senón que mesmo vai permitir rexeneralo e recuperalo nese entorno para uso e goce de toda a cidadanía.

O BNG sempre tivo presente, e sempre foi unha das súas demandas para o sector do móbel, a creación dun polígono sectorial, cuestión que conta co respaldo dos mobleiros, dos empresarios en xeral, do comercio, en definitiva de todo o tecido produtivo, e tamén de todos os partidos políticos con representación no noso Concello.

O PP, froito da presión política e social, asinou a última hora antes das eleccións galegas de 2005 un protocolo que non era máis ca un "papel" baleiro de contido, e tivo que ser o BNG a través das Consellarías de Vivenda e Solo e de Innovación e Industria as que se implicaron e van facer realidade un proxecto que será pioneiro e modélico no que se refire á construción do primeiro parque empresarial especializado e de carácter estratéxico que se leva a cabo en Galiza.

A Cidade do Móbel ocupará unha superficie de 528 mil m2 e estará situada en Lagartóns, en terreos que o futuro PXOM contempla xa como de solo industrial, onde xa están instaladas dende hai algúns anos empresas do sector do móbel e outras industrias, que a futura Cidade do Móbel aglutinará para incorporar a este polígono, dotándoas dunha serie de servizos cos que actualmente non contan proporcionando, por exemplo, un axeitado tratamento de residuos. E será este punto, o medioambiental, onde o BNG da Estrada estará especialmente vixilante para que na execución e desenvolvemento deste polígono sectorial se cumpra toda a normativa vixente, e deste xeito, non só evitar danar aínda máis o río Liñares, senón mesmo rexeneralo e recuperalo nese entorno para uso e goce de toda a cidadanía.

Descarga a presentación da Cidade do Móbel

Quintana falou de "reinventar os sectores tradicionais", no acto de presentación do proxecto da Cidade do Moble, que tivo lugar este mediodía no centro comarcal da Estrada e no que tamén participou a conselleira de Vivenda, Teresa Táboas.

Segundo o vicepresidente, a Cidade do Moble é unha aposta pola revitalización dos nosos sectores tradicionais, neste caso, do moble, xa que se lle proporcionan os recursos e as tecnoloxías suficientes para garantir a súa competitividade. Quintana aludiu á milagre galega que pasa, dixo, por apostar pola innovación e a reinvención, é dicir, por fortalecer os sectores emerxentes e reinventar os sectores tradicionais.

A Cidade do Moble representa, segundo Quintana, a creación do primeiro parque empresarial sectorial do país, co que se vai dotar de servizos comúns ás empresas do sector, abaratando, deste xeito, os custes de produción.

Anxo Quintana, Montse Prado, Delegada de Industria,
e Gonzalo Constenla, Delegado de Medio Rural

O vicepresidente inaugurou hoxe na estrada a Feira Profesional do Moble de Galicia alertando ao sector de que “non podemos conformarnos con producir unha gran cantidade de madeira, temos que fabricar os mobles aquí porque esta é a actividade que xera maior valor engadido, máis postos de traballo e máis riqueza”. Por iso Quintana apostou por “crear un moble propio, cun deseño propio e diferenciado do que se fai noutros sitios”, que transmita a “calidade, modernidade e vangarda” deste sector en Galiza, para presentar aos consumidores “un moble do país, feito no país”.

O BNG da Estrada considera un exercicio de verdadeiro farisaísmo que o Sr. Palmou solicite unha partida económica nos Orzamentos da Xunta de Galiza para o ano 2006 destinada á Cidade do Móbel --que por outra parte non vai ser precisa, pois neles xa vai figurar consignación orzamentaria a tal fin-- cando precisamente o Sr. Palmou e todos os demais deputados do PP votaron en contra da inclusión da mesma partida, a proposta do BNG, nos orzamentos precedentes, cando el mesmo formaba parte do goberno galego e cando ditas partidas nunca aparecían.