Nos mandatos anteriores este Capítulo do Gasto Municipal (Dedicacións exclusivas, Subvencións a Grupos Políticos Municipais, Indemnizacións por Asistencia a Órganos Colexiados e outros) ven tendo un peso excesivo no Orzamento Municipal, en Concellos coma o noso a suma destas partidas non debe superar o 3% do Orzamento Municipal. O gasto cos gobernos do Partido Popular situou ao mesmo en máis do 4,21%, xa que logo procede adoptar medidas de cara á súa redución, o que implica que cada decisión adoptada neste ámbito debe ser valorada individual e globalmente.

Desde o BNG consideramos precisa e apoiamos que o Alcalde se dedique enteiramente ao Concello, polo que apoiamos a aprobación da súa Dedicación exclusiva, en canto ás retribucións consideramos que as mesmas deben fixarse en relación a dous parámetros: a capacidade económica do Concello e o volume dos gastos de representación, e as retribucións que se deixen de percibir como consecuencia do cese na actividade laboral que se viñera desempeñando -cun límite mínimo e un límite máximo-.

O importe das retribucións salariais propostas polo PSOE para a adicación exclusiva de Dono (74.060,00€) ...

A continuación poderedes ver un extracto da rolda de prensa na que explicamos as negociacións co PSOE para acadar un co-goberno para A Estrada, logo de que o PSOE non acadara a maioría absoluta nas pasadas eleccións municipais. Na rolda de prensa interevén Raquel López Doce, Alberte Maceira (Responsábel Comarcal do BNG); tamén están presentes Maribel Ruíz Ferro e Xan Carlos Castro Blanco (Concelleiros) e Manuel Anxo Rendo Lema, que forma parte da comisión negociadora co PSOE.

O BNG mantivo onte a cuarta reunión co PSOE da Estrada para acadar un co-goberno no noso Concello, cuestión esta que non foi posíbel logo de que este partido presentara, outra vez, unha oferta pechada e inamovíbel, o que demostra que o PSOE non quere un co-goberno co BNG, ao mesmo tempo que evidencia unha falla de diálogo impropia dunha forza política que ten que gobernar en minoría.

Como é público e notorio as dúas forzas políticas asinaron a nivel galego un acordo para co-gobernar nos Concellos onde ningunha das dúas forzas políticas acadaran a maioría absoluta. Con este acordo, que asinaron Touriño e Quintana, ten que reflectirse que estes gobernos municipais están dirixidos por dúas forzas políticas, gobernando un número de áreas en función da súa representatividade nese goberno. Alén diso, o Acordo compromete a que a segunda forza acada a Primeira Tenencia de Alcaldía, para reflectir, precisamente, que hai dúas forzas políticas, e non unha , á que se lle uniu unha serie de concelleiros.

O BNG cumpriu co esixido no Acordo Nacional,...

O BNG, reunido onte en Asemblea, decidiu absterse na investidura de José Antonio Dono como Alcalde, cumprindo así o que pactaron as direccións nacionais do PSOE e do BNG, plasmado no acordo marco.

Investudura de Raquel López con Concelleira

A Asemblea do BNG tamén decidiu rexeitar o acordo que lle propuxo o PSOE da Estrada para conformar un bipartito, ao entender que esa oferta vai contra o espírito do acordo marco acadado polas respectivas direccións nacionais. O BNG entende que a primeira tenencia de alcaldía é o xusto para que se vexa que hai dous partidos no goberno, e ao mesmo tempo, entende que as áreas de goberno que lle corresponden deben estar en función da súa representación nese bipartito. De todos os xeitos o BNG amósase dispostos a consensuar co PSOE todas aquelas cousas que consideren oportuno, pero sempre mirando para o interese xeral dos veciños e veciñas; e tampouco pecha as portas a un posíbel acordo de goberno no futuro.

Poñemos a disposición de todos e todas o acordo marco ao que chegaron as direccións nacionais do BNG e do PSOE para a gobernabilidade dos concellos onde ningunha forza acadara a maioría absoluta, como é o caso da Estrada.

Este acordo marco acadado polos direccións nacionais do BNG e do PSOE marcan os principios básicos dos que partirá a negociación que levarán a cabo o BNG e o PSOE da Estrada de cara a conformar un Goberno Municipal, e que son os seguintes:

• Ostentará a alcaldía a forza máis votada, das asinantes do pacto.
• Na segunda forza, recairá e a Tenencia de Alcaldia única.
• As áreas de responsabilidade distribuiranse en proporción á representatividade de cada forza política en cada ámbito.

Ao mesmo tempo, este acordo compromete a que o Alcalde efectuará unha delegación xenérica de competencias aos concelleiros/as que contemplará todas as facultades, dereitos e deberes na materia ou área delegada agás as indelegábeis, co obxecto de garantir a capacidade de xestión na súa área, dentro do marco das liñas programáticas básicas e no sometemento ás normas xerais e ás decisións corporativas, que garantizan o funcionamento unitario do goberno municipal.

A continuación poderedes escoitar a entrevista que a Cadena Ser Santiago lle fixo a Raquel López Doce, Portavoz Municipal, para valorar os resultados electorais e o posíbel pacto co PSOE.