Os afectados e afectadas pechados no Concello convocan a todos e todas para asistir á Asemblea Informativa que se celebrará hoxe, venres 19, ás 21:00 H. nas oficinas do Concello, para incrementar a presión sobre o grupo de Governo, para que convoque un Pleno Extraordinário e para organizar o peche para o fin de semana.

Acude á Asemblea!!!!

Estes días están chegando aos domicílios dos propietários de pisos, baixos comerciais, casa, fincas, garaxes, etc. do casco urbano da Estrada os recibos do Imposto de Bens Inmóbeis (coñecido como a contribución urbana) nos que, salvo nos casos de bonificacións por familia numerosa, pisos de protección oficial ), figura un incremento do 60% a respeito do ano pasado, en clara contradición coas declaracións de destacados dirixentes do PP tanto locais como Estatais, nas que afirman que o "PP baixa os impostos".

Maribel Ruíz Ferro, Concelleira do BNG, integrante da comisión de Facenda, responde ás nosas preguntas sobre este asunto:

No Pleno ordinário celebrado pola Corporación Municipal o pasado mes de Marzo, o grupo de governo municipal do PP sacou adiante, cos únicos votos en contra do BNG, a aprobación inicial da Ordenanza Fiscal do Imposto sobre Bens Inmóbeis (IBI), coñecido popularmente como contribución urbana.

Dita ordenanza estabelece que a porcentaxe que se lle aplicará a todos os bens inmóbeis pasará do 0,25% ao 0,40%, o cal supón unha suba do 60%, e segue-se-lle impondo a obriga de contribuír ao Solo Apto para Urbanizar. Á parte desta suba, ao recibo haberá que engadir-lle o incremento do IPC do ano 2002 aplicado polo Governo Central sobre o valor catastral.

A meirande parte dos bens inmóbeis afectados pola suba do IBI están na Vila

Na pasada lexislatura municipal, a Xeréncia do Catastro, co consentimento do alcalde por meio da sua sinatura, procedeu a actualizar os valores catastrais da Estrada, o cal deu como resultado unha proposta chea de erros e cantidades desproporcionadas. A cidadania, indignada polos custes que tal despropósito lles suporia, mobilizou-se en torno a unha Plataforma Cidadá que conseguiu que o governo municipal dé-se marcha atrás e, polo menos, só se aplicase o coeficiente do 0,25% nos recibos do IBI mentres non se procedese a variar a Ponéncia de Valores axustada aos verdadeiros valores de mercado e se correxisen os numerosos erros que contiña e contén.

Solicita da empresa pública SOGAMA a paralización da aplicación do incremento das tarifas, previsto para o 1 de xaneiro de 2003

No pasado mes de xullo a empresa pública SOGAMA decidia, de xeito unilateral, a suba do prezo por tonelada tratada desde 32,80 euros até 41,80 euros con vixéncia desde o 1 de xullo, asi como unha progresiva actualización de tarifas que situará o prezo do tratamento por tonelada no ano 2005 en 60,25 euros, quer dicer, que as tarifas de SOGAMA atinxirán case o duplo en tres anos, situando-se nas máis caras do Estado español e farán, dalgunha forma ou doutra, disparar a xa desmedida presión fiscal que sofren nestes momentos os contribuíntes estradenses.