A Asemblea de Viciños e Viciñas condea unanimemente a actitude provocadora do alcalde, tanto onte co chamamento aos alcaldes de bárrio para provocar incidentes entre os asistentes ao pleno como a sua actitude no día de hoxe á chegada ao Concello, arrincando carteis e ameazando aos veciños, chegando mesmo a agredir a un dos manifestantes que xa presentou denuncia contra el. A sua intención é provocar enfrontamentos para así xustificar o desaloxo. Polo que reiteramos a nosa demanda aos veciños para que sigan a desenvolver a sua protesta de xeito pacífico e democrático sen responder ás súas provocacións. Tamén a Asemblea amosa sua solidariedade co veciño agredido e repulsa as declaracións do alcalde dando publicidade na Radio Local de datos persoais, insultos e calumnias.

O PP eo PSOE van de novo da man e rexeitan a moción apresentada polo BNG no nome dos viciños e viciñas afectados pola suba da contribución, que significaría unha bonificación para inmobles do casco urbano do 75% nos recibos do ano 2004, que compensaría a suba do 2003 e a correspondente do 2004, e para os vindeiros anos unha bonificación do 37,5%, ata que se redacte unha nova ponéncia de valores.

O BNG de A Estrada solicitou onte, 2 de Xaneiro, no rexistro da Consellaria de Xustiza, Interior e Administración Local, dirixida polo Sr. Jesús Palmou, que o citado organismo tome as medidas oportunas perante a actitude do Sr. Alcalde, Ramón Campos de Infrinxir a Leis de Bases de Réxime Local.

Unha representación dos viciños e viciñas pechados desde o día 19 de decembro no Concello, xunto co Deputado Bieito Lobeira, entrevistarán-se, mañá luns 29 de decembro, co Valedor do Povo, Sr. José Ramón Vázquez Sandes, para expor-lle unha queixa sobre a situación que están a sofrer por parte do Alcalde